నిజామాబాద్ నగరంలో హోలీ పండుగ వేడుకలు ఘనంగా ప్రారంభమయ్యాయి. ఇందులో భాగంగా నగరంలోని పలు ప్రాంతాల్లో నిర్వహించిన కామదహనం (హోలికా దహనం) కార్యక్రమంలో నిజామాబాద్ అర్బన్ ఎమ్మెల్యే ధనపాల్ సూర్యనారాయణ గుప్త పాల్గొన్నారు.
ఈ సందర్భంగా ఆయన ప్రత్యేక పూజలు నిర్వహించి, ప్రజలందరికీ హోలీ శుభాకాంక్షలు తెలియజేశారు. చెడుపై మంచి సాధించిన విజయానికి గుర్తుగా జరుపుకునే ఈ పండుగ, నగర ప్రజల జీవితాల్లో సుఖసంతోషాలు నింపాలని ఆయన ఆకాంక్షించారు. ఎమ్మెల్యేతో పాటు స్థానిక బిజెపి నాయకులు మరియు పెద్ద సంఖ్యలో భక్తులు ఈ కార్యక్రమంలో పాల్గొన్నారు.
