సదస్సులో ఉద్యోగులకు ట్రాఫిక్ నియమాలు, నిబంధనలను కచ్చితంగా పాటించడం ద్వారా తమ భద్రతతో పాటు ఇతర రహదారి వినియోగదారుల ప్రాణాలను కూడా ఎలా కాపాడుకోవచ్చో వివరించారు.

అతివేగం వల్ల జరిగే ప్రమాదాలు, మద్యం సేవించి వాహనాలు నడపడం, రాంగ్ సైడ్ డ్రైవింగ్, ద్విచక్ర వాహనదారులు తప్పనిసరిగా హెల్మెట్ ధరించడం, కార్లలో సీటుబెల్ట్ వినియోగం, డ్రైవింగ్ సమయంలో మొబైల్ ఫోన్ వాడకం వల్ల కలిగే ప్రమాదాలు, ట్రాఫిక్ సిగ్నల్స్ పాటించడం, లేన్ డిసిప్లిన్ ప్రాముఖ్యత వంటి అంశాలపై సమగ్ర అవగాహన కల్పించారు.

ఈ సందర్భంగా ముఖ్య అతిథిగా హాజరైన తిరుమలగిరి ట్రాఫిక్ డివిజన్ అసిస్టెంట్ కమిషనర్ ఆఫ్ పోలీస్ జి. శంకర్ రాజు మాట్లాడుతూ, ట్రాఫిక్ నిబంధనలు కేవలం చట్టాలు మాత్రమే కాకుండా ప్రాణాలను రక్షించే మార్గదర్శకాలుగా భావించాలని అన్నారు. అతివేగం, మద్యం సేవించి వాహనాలు నడపడం, డ్రైవింగ్ సమయంలో మొబైల్ ఫోన్ వినియోగించడం వంటి నిర్లక్ష్యపూరిత చర్యలు ప్రమాదాలకు ప్రధాన కారణమవుతున్నాయని పేర్కొన్నారు. ద్విచక్ర వాహనదారులు హెల్మెట్, కారులో ప్రయాణించే వారు సీటుబెల్ట్ తప్పనిసరిగా ధరించాలని సూచించారు.

ప్రతి ఒక్కరూ బాధ్యతాయుతంగా వ్యవహరించి ట్రాఫిక్ నిబంధనలను పాటిస్తే రోడ్డు ప్రమాదాలను గణనీయంగా తగ్గించవచ్చని, విలువైన ప్రాణాలను కాపాడవచ్చని తెలిపారు.

అలాగే ట్రాఫిక్ భద్రతపై అవగాహనను కుటుంబ సభ్యులు, స్నేహితులు, సహచరులకు కూడా విస్తరించాలని పిలుపునిచ్చారు.

ఈ అవగాహన సదస్సులో తిరుమలగిరి ట్రాఫిక్ పోలీస్ స్టేషన్ అదనపు ఇన్‌స్పెక్టర్ పి. రమణయ్య, టాటా మోటార్స్ బేగంపేట్ మేనేజర్ ఎం.డి. సాదిక్, బేగంపేట్ లా అండ్ ఆర్డర్ పోలీస్ స్టేషన్ అధికారులు, సిబ్బంది పాల్గొన్నారు.

ఉద్యోగులు ఉత్సాహంగా పాల్గొని ట్రాఫిక్ నిబంధనలకు సంబంధించిన పలు సందేహాలను నివృత్తి చేసుకున్నారు.

రహదారి భద్రతా సంస్కృతిని పెంపొందించడంతో పాటు ట్రాఫిక్ ఉల్లంఘనలు, రోడ్డు ప్రమాదాలను తగ్గించడంలో ఇలాంటి అవగాహన సదస్సులు కీలక పాత్ర పోషిస్తాయని అధికారులు తెలిపారు.

#Sidhumaroju

The post “టాటా మోటార్స్ బేగంపేట్ సిబ్బందికి ట్రాఫిక్ భద్రతపై అవగాహన.| appeared first on Bharat Aawaz - The Voice Of India! News, Updates, Politics and More!.

ఆసిఫాబాద్ : రోడ్డు భద్రతా నియమాలను ప్రతి ఒక్కరూ తప్పనిసరిగా పాటించాలని, నిర్లక్ష్యపు డ్రైవింగ్ వల్ల అమూల్యమైన ప్రాణాలు కోల్పోవద్దని కుమురం భీమ్ ఆసిఫాబాద్ జిల్లా ఎస్పీ నితికా పంత్, ఐ.పి.ఎస్  గారు పిలుపునిచ్చారు. అరైవ్ అలైవ్ (Arrive Alive) ప్రచారంలో భాగంగా బుధవారం ఆసిఫాబాద్ ప్రభుత్వ వైద్య కళాశాలలో విద్యార్థులకు నిర్వహించిన రోడ్డు భద్రత అవగాహన సదస్సుకు ఆమె ముఖ్య అతిథిగా హాజరై మాట్లాడారు. దేశవ్యాప్తంగా ప్రతి సంవత్సరం లక్షలాది రోడ్డు ప్రమాదాల్లో యువత ఎక్కువగా ప్రాణాలు కోల్పోవడం బాధాకరమని.

ద్విచక్ర వాహనదారులు హెల్మెట్, నాలుగు చక్రాల వాహనదారులు సీటు బెల్టు తప్పనిసరిగా ధరించాలని సూచించారు. ముఖ్యంగా ట్రిపుల్ రైడింగ్, మద్యం సేవించి వాహనం నడపడం, డ్రైవింగ్‌లో మొబైల్ వాడటం మరియు రాంగ్ సైడ్ డ్రైవింగ్ వంటి నిర్లక్ష్యపు చర్యల వల్లే ఎక్కువ ప్రమాదాలు జరుగుతున్నాయని హెచ్చరించారు. అనంతరం ఇటీవల జరిగిన రోడ్డు ప్రమాదాల దృశ్యాలను స్క్రీన్‌పై ప్రదర్శించి అవగాహన కల్పించగా, కార్యక్రమం ముగింపులో విద్యార్థులు, అధికారులు అంతా కలిసి రోడ్డు భద్రతా నియమాలను పాటిస్తామని ప్రతిజ్ఞ చేశారు.

The post రోడ్డు నియమాలు పాటించి ప్రాణాలు కాపాడుకోవాలి జిల్లా ఎస్పీ నితికా పంత్ appeared first on Bharat Aawaz - The Voice Of India! News, Updates, Politics and More!.

పెంచుపాడు కృష్ణాపురం వద్ద కుక్క అడ్డు రావడంతో బైక్ అదుపుతప్పి కింద పడిపోయింది. ఈ ఘటనలో దంపతులిద్దరికీ గాయాలవడంతో స్థానికులు వారిని ఆసుపత్రికి తరలించారు.

The post బైక్‌కు కుక్క అడ్డు రావడంతో దంపతులకు తీవ్ర గాయాలు. appeared first on Bharat Aawaz - The Voice Of India! News, Updates, Politics and More!.

హెల్మెట్ లేని ప్రయాణాలు, డ్రైవింగ్ చేస్తూ మొబైల్ వాడకం, హైబీమ్ లైట్లు, రాంగ్ రూట్ డ్రైవింగ్‌లపై కఠిన చర్యలు ఉంటాయని హెచ్చరించారు. విద్యాసంస్థల్లో “నో హెల్మెట్ – నో ఎంట్రీ” నిబంధన అమలు చేయాలని సూచించారు.

The post అన్నమయ్య: రోడ్డు ప్రమాదాల కట్టడికి పకడ్బందీ చర్యలు. appeared first on Bharat Aawaz - The Voice Of India! News, Updates, Politics and More!.

“Helmet On, Worries Gone” అనే సందేశంతో రూపొందించిన భారీ హెల్మెట్ శిల్పాన్ని ఆదివారం ఘనంగా ఆవిష్కరించింది. 

మెడికవర్ హాస్పిటల్స్ సమీపంలో ఏర్పాటు చేసిన ఈ శిల్పాన్ని మల్కాజిగిరి మున్సిపల్ కార్పొరేషన్ కమిషనర్ టి. వినయ్ కృష్ణారెడ్డి, ఐఏఎస్ మరియు మల్కాజిగిరి పోలీస్ కమిషనరేట్ కమిషనర్ బి. సుమతి, ఐపీఎస్ ఆవిష్కరించారు.

సికింద్రాబాద్ మెడికవర్ హాస్పిటల్స్, మల్కాజిగిరి మున్సిపల్ కార్పొరేషన్ సంయుక్త ఆధ్వర్యంలో నిర్వహించిన ఈ కార్యక్రమంలో రోడ్డు భద్రతపై ప్రజలకు అవగాహన కల్పించడమే ప్రధాన లక్ష్యమని నిర్వాహకులు తెలిపారు. 

ద్విచక్ర వాహనదారులు నాణ్యమైన హెల్మెట్‌ను తప్పనిసరిగా ధరించడం ద్వారా తలకు తగిలే తీవ్ర గాయాలను, ప్రాణనష్టాన్ని గణనీయంగా తగ్గించవచ్చని ముఖ్య అతిథులు పేర్కొన్నారు. 

ట్రాఫిక్ నిబంధనలను పాటించడం, హెల్మెట్ ధరించడం ప్రతి పౌరుడి సామాజిక బాధ్యత అని స్పష్టం చేశారు.

ఈ సందర్భంగా మెడికవర్ హాస్పిటల్స్ వైద్యులు మాట్లాడుతూ.. ప్రమాద బాధితుల్లో అధిక శాతం మంది తలకు తీవ్రమైన గాయాలతోనే అత్యవసర విభాగానికి చేరుతున్నారని తెలిపారు. 

హెల్మెట్ వినియోగం వల్ల ప్రాణాపాయం తగ్గడమే కాకుండా మెదడు దెబ్బతినడం వల్ల కలిగే శాశ్వత వికలాంగత్వం, జ్ఞాపకశక్తి కోల్పోవడం, కోమా వంటి ప్రమాదాలను నివారించే అవకాశం ఉంటుందని వివరించారు.

నగర నడిబొడ్డున ఏర్పాటు చేసిన ఈ భారీ హెల్మెట్ శిల్పం ప్రతిరోజూ వేలాది మందికి రోడ్డు భద్రత ప్రాముఖ్యతను గుర్తు చేస్తూ అవగాహన చిహ్నంగా నిలవనుంది. “ప్రయాణం ఎంత చిన్నదైనా హెల్మెట్ మాత్రం తప్పనిసరి” అనే సందేశాన్ని ప్రజల్లో బలంగా నాటేందుకే ఈ కార్యక్రమాన్ని చేపట్టినట్లు నిర్వాహకులు తెలిపారు.

“AWARE & ALIVE” భాగంగా కార్పొరేట్ సోషల్ రెస్పాన్సిబిలిటీ (CSR) కింద నిర్వహించిన ఈ కార్యక్రమంలో మల్కాజిగిరి ట్రాఫిక్ డీసీపీ రాహుల్ రెడ్డి, మెడికవర్ హాస్పిటల్ సీనియర్ కన్సల్టెంట్ న్యూరోసర్జన్ డా. రమేష్ శిఘాకోలి, హెడ్ ఆఫ్ క్రిటికల్ కేర్ డా. బాలసుబ్రహ్మణ్యం, సెంటర్ హెడ్ కృష్ణవేణి, వైద్యులు, సిబ్బంది, మున్సిపల్ మరియు పోలీసు శాఖల అధికారులు, పెద్ద సంఖ్యలో ప్రజలు పాల్గొన్నారు.

#Sidhumaroju

The post “Helmet On, Worries Gone” సందేశంతో సికింద్రాబాద్‌లో భారీ హెల్మెట్ శిల్పావిష్కరణ.| appeared first on Bharat Aawaz - The Voice Of India! News, Updates, Politics and More!.

ఉదయం 7 గంటల నుంచి మధ్యాహ్నం 12 గంటల వరకు పరేడ్ గ్రౌండ్స్ పరిసర ప్రాంతాల్లో ట్రాఫిక్ రద్దీ అధికంగా ఉండే అవకాశం ఉండటంతో పలు మార్గాల్లో తాత్కాలిక ట్రాఫిక్ మళ్లింపులు అమలు చేయనున్నట్లు వెల్లడించారు.

బేగంపేట్, సంగీత్, క్లాక్ టవర్, పట్నీ, పారడైజ్, సికింద్రాబాద్, బోయిన్‌పల్లి, తిరుమలగిరి, ట్యాంక్‌బండ్ తదితర ప్రాంతాల మధ్య ప్రయాణించే వాహనదారులు ప్రత్యామ్నాయ మార్గాలను వినియోగించాలని సూచించారు.

ట్రాఫిక్ సజావుగా సాగేందుకు అవసరాన్ని బట్టి పలు కూడళ్ల వద్ద వాహనాలను మళ్లించే అవకాశం ఉందని పేర్కొన్నారు.

ప్రజలు వీలైనంత వరకు మెట్రో రైలు మరియు ఇతర ప్రజా రవాణా సౌకర్యాలను వినియోగించాలని, కార్యక్రమం జరిగే ప్రాంతాలకు వెళ్లే రహదారులపై భారీ వాహనాలు ఉదయం 6 గంటల నుంచి మధ్యాహ్నం 1 గంట వరకు ప్రయాణించకుండా ప్రత్యామ్నాయ మార్గాలను ఎంచుకోవాలని సూచించారు.

రహదారులపై అనధికారిక పార్కింగ్‌ను కఠినంగా నిషేధించినట్లు, నిబంధనలు ఉల్లంఘించిన వాహనాలను టోయింగ్ చేసి చర్యలు తీసుకుంటామని హెచ్చరించారు.

అత్యవసర సేవల వాహనాలకు ఎలాంటి ఇబ్బందులు కలగకుండా ప్రత్యేక ఏర్పాట్లు చేస్తున్నట్లు అధికారులు తెలిపారు.

కార్యక్రమం ముగిసిన వెంటనే ట్రాఫిక్ ఆంక్షలు ఎత్తివేయబడతాయని పేర్కొన్నారు. ట్రాఫిక్ పరిస్థితులను సీసీటీవీ కెమెరాలు మరియు ట్రాఫిక్ కంట్రోల్ రూమ్ ద్వారా నిరంతరం పర్యవేక్షించనున్నట్లు వెల్లడించారు.

ప్రజలు ట్రాఫిక్ పోలీసులకు సహకరించి ముందస్తుగా తమ ప్రయాణాలను ప్రణాళిక చేసుకోవాలని, ట్రాఫిక్ సంబంధిత సమాచారం లేదా సహాయం కోసం మల్కాజిగిరి ట్రాఫిక్ హెల్ప్‌లైన్ 8712662999ను సంప్రదించాలని ట్రాఫిక్ పోలీసులు విజ్ఞప్తి చేశారు.

#Sidhumaroju

The post “జూన్ 2న హైదరాబాద్‌లో ట్రాఫిక్ అలర్ట్.. పరేడ్ గ్రౌండ్స్ వేడుకలతో పలు మార్గాల్లో ఆంక్షలు!” appeared first on Bharat Aawaz - The Voice Of India! News, Updates, Politics and More!.

ఈ బస్ షెల్టర్‌ను ట్రాఫిక్ తిరుమలగిరి డివిజన్ అసిస్టెంట్ కమిషనర్ ఆఫ్ పోలీస్ జి. శంకర్ రాజు ప్రారంభించారు.

ఇప్పటి వరకు బస్సులు ప్రయాణికులను ఎక్కించడం, దింపడం కోసం ప్రధాన రహదారిపైనే నిలిచేవి. దీంతో ట్రాఫిక్‌కు అంతరాయం కలగడంతో పాటు రహదారిని వినియోగించే ప్రజలు, వాహనదారులు ఇబ్బందులు ఎదుర్కొనేవారు.

అలాగే బస్సుల కోసం వేచి ఉండే ప్రయాణికులు ఎండ, వర్షం వంటి వాతావరణ పరిస్థితుల ప్రభావానికి గురవుతూ అసౌకర్యానికి లోనయ్యేవారు. ఈ సమస్యలకు పరిష్కారంగా బొల్లారం చెక్‌పోస్ట్ వద్ద బస్ షెల్టర్‌ను ఏర్పాటు చేశారు.

ఏసీపీ జి. శంకర్ రాజు, ఎస్‌ఐ ఉగేందర్, ఏఎస్‌ఐ రెడ్డి నాయక్, పీసీ రవికాంత్, మొబైల్ ఆఫీసర్ పీసీ సాయి, హెచ్‌జీ శ్రీనివాస్ రెడ్డి, హెచ్‌జీ మహేష్ నాయక్‌లతో పాటు స్థానిక ప్రజల సహకారంతో ఈ బస్ షెల్టర్ నిర్మాణం చేపట్టారు.

ఈ సౌకర్యం ద్వారా బస్సులు ట్రాఫిక్‌కు ఎలాంటి అంతరాయం కలగకుండా సురక్షితంగా నిలిచే అవకాశం ఏర్పడగా, ప్రయాణికులు కూడా సౌకర్యవంతంగా వేచి ఉండేందుకు అనుకూలమైన వసతి అందుబాటులోకి వచ్చింది.

అదే సందర్భంగా వేసవి కాలంలో ప్రజలకు చల్లని తాగునీరు అందించేందుకు బస్ షెల్టర్ పక్కనే చలివేంద్రాన్ని కూడా ప్రారంభించారు.

ఈ ప్రజా సంక్షేమ కార్యక్రమానికి బొల్లారం కాంగ్రెస్ నాయకుడు మురళి యాదవ్, లాల్‌బజార్ ప్రాంత నాయకుడు బాలరాజు నాయక్ సహకారం అందించారు.

ఈ సందర్భంగా ఏసీపీ జి. శంకర్ రాజు మాట్లాడుతూ ప్రజల సౌకర్యం, రహదారి భద్రతను పెంపొందించే కార్యక్రమాల్లో భాగస్వాములైన ట్రాఫిక్ సిబ్బంది, స్థానిక ప్రజలను అభినందించారు.

ప్రజల భాగస్వామ్యంతో చేపట్టే ఇటువంటి కార్యక్రమాలు ట్రాఫిక్ క్రమశిక్షణను మెరుగుపరచడంతో పాటు ప్రజా సంక్షేమం, రహదారి భద్రతను మరింత బలోపేతం చేస్తాయని ఆయన పేర్కొన్నారు.

#Sidhumaroju

Alwal

The post “ఎండలో నిరీక్షణకు ఇక ముగింపు.. బొల్లారం చెక్‌పోస్ట్ వద్ద బస్ షెల్టర్, చలివేంద్రం ప్రారంభం.| appeared first on Bharat Aawaz - The Voice Of India! News, Updates, Politics and More!.

కమిషనరేట్ వ్యాప్తంగా నిర్వహించిన ప్రత్యేక తనిఖీల్లో ఒక్కరోజులోనే 1,340 కేసులు నమోదు చేసి రూ.13.39 లక్షల జరిమానాలు విధించారు.

ప్రధాన కూడళ్లు, సిగ్నల్ పాయింట్లు, రద్దీ ప్రాంతాల్లో ముమ్మర తనిఖీలు చేపట్టిన పోలీసులు నిబంధనలు ఉల్లంఘించిన వాహనదారులపై చట్టప్రకారం చర్యలు తీసుకున్నారు.

C.P. బి. సుమతి ఆదేశాల మేరకు ట్రాఫిక్ జోన్-I, జోన్-II పరిధిలో ఈ ప్రత్యేక డ్రైవ్ కొనసాగింది. డ్రైవింగ్ చేస్తూ మొబైల్‌లో మాట్లాడటం, మెసేజ్‌లు పంపడం, వీడియోలు తీయడం, సోషల్ మీడియా వినియోగించడం వంటి ప్రమాదకర చర్యలను పోలీసులు ప్రత్యేకంగా గుర్తించి కేసులు నమోదు చేశారు.

సెల్‌ఫోన్ వాడకం వల్ల డ్రైవర్ ఏకాగ్రత దెబ్బతిని ప్రమాదాల అవకాశాలు పెరుగుతున్నాయని ట్రాఫిక్ పోలీసులు హెచ్చరిస్తున్నారు.

చిన్న నిర్లక్ష్యమే ప్రాణాంతక ప్రమాదాలకు దారి తీసే అవకాశం ఉందని అధికారులు పేర్కొన్నారు. ఈ సందర్భంగా మల్కాజ్‌గిరి ట్రాఫిక్ పోలీసులు ప్రజలకు కీలక సందేశం ఇచ్చారు.

“ఒక ఫోన్ కాల్ కాసేపు ఆగుతుంది… కానీ ఒక ప్రమాదం జీవితాన్ని శాశ్వతంగా మార్చేస్తుంది” అంటూ డ్రైవింగ్ సమయంలో మొబైల్ వినియోగాన్ని పూర్తిగా నివారించాలని సూచించారు.

అత్యవసర పరిస్థితుల్లో మాత్రమే వాహనాన్ని సురక్షిత ప్రదేశంలో ఆపి ఫోన్ మాట్లాడాలని, లేదంటే కఠిన చర్యలు తప్పవని స్పష్టం చేశారు.

కమిషనరేట్ వ్యాప్తంగా ఇలాంటి ప్రత్యేక తనిఖీలు ఇకపై కూడా నిరంతరం కొనసాగుతాయని అధికారులు తెలిపారు.

#Sidhumaroju

The post “సెల్‌ఫోన్ డ్రైవర్లపై ఉక్కుపాదం.. రూ.13 లక్షలకు పైగా జరిమానాలు.| appeared first on Bharat Aawaz - The Voice Of India! News, Updates, Politics and More!.

A heavy dumper truck carrying stone chips struggled on a steep, rain-slicked slope near the Indo-Bangladesh border and capsized while reversing. Four tribal labourers sitting atop the construction material were crushed under the shifting debris and died on the spot, while those inside the cabin survived.

Nearby Border Security Force (BSF) personnel rushed to initiate rescue operations, and a police investigation into the vehicle’s structural stability is underway.

The post Tragic Overturn: Road Accident in Dhalai District appeared first on Bharat Aawaz - The Voice Of India! News, Updates, Politics and More!.