హైదరాబాద్‌లోని మున్సిపాలిటీల అభివృద్ధికి తెలంగాణ ప్రభుత్వం భారీ నిధులను విడుదల చేసింది. మొత్తం రూ.2780 కోట్ల నిధులను 138 మున్సిపాలిటీలు, కార్పొరేషన్లకు కేటాయించింది.
ఈ నిధులతో 2,432 అభివృద్ధి పనులకు ఆమోదం లభించింది. ముఖ్యమంత్రి రేవంత్ రెడ్డి వెంటనే టెండర్లు పిలిచి పనులు ప్రారంభించాలని అధికారులను ఆదేశించారు.
కొత్తగా ఏర్పడిన మున్సిపాలిటీలు, గ్రామాలు విలీనమైన ప్రాంతాల్లో ప్రాధాన్యతతో పనులు చేపట్టాలని స్పష్టం చేశారు. ఈ నిధుల ద్వారా రోడ్లు, డ్రైనేజీలు, పారిశుద్ధ్యం, మౌలిక వసతుల అభివృద్ధికి దోహదపడనుంది. ప్రజల జీవన ప్రమాణాలు మెరుగుపడేలా ప్రభుత్వం చర్యలు తీసుకుంటోంది.
