అమ్మ జ్ఞానంతో హెల్మెట్ – కర్నూలు పోలీసులు సిఫార్సు |

కర్నూలు : హెల్మెట్ ధరించాల్సిందే!కర్నూలు: జిల్లాలో ద్విచక్ర వాహన ప్రమాదాలు పెరిగిపోతున్న నేపథ్యంలో పోలీసు శాఖ కీలక నిర్ణయం తీసుకుంది. పెట్రోల్ బంకుల్లో ఇంధనానికి వెళ్లేవారు తప్పనిసరిగా హెల్మెట్ ధరించాలని ఆదేశాలు జారీ అయ్యాయి. ‘నో హెల్మెట్… నో పెట్రోల్’ అనే సందేశంతో కూడిన ప్లకార్డులు, బ్యానర్లను నగరంలోని ప్రధాన కూడళ్లు, బంకుల వద్ద ప్రత్యేకంగా ప్రదర్శిస్తున్నారు.

ఒకవైపు ప్రజల్లో అవగాహన కల్పిస్తూనే, నిబంధనలు అతిక్రమించే వారికి జరిమానా రూపంలో చలానాలు విధిస్తున్నారు.న్యూ ఇయర్, సంక్రాంతి పండుగల సీజన్ కావడంతో హెల్మెట్ ధారణపై పోలీసులు ప్రత్యేక దృష్టి సారించారు. ఈ మేరకు ఇంధన బంకుల వద్ద ప్రతిరోజూ అవగాహన కల్పించనున్నారు. ట్రిపుల్ రైడింగ్, మైనర్లు వాహనాలు నడపడం వంటి అంశాలపై కూడా కఠినంగా వ్యవహరించనున్నారు.

ముఖ్యాంశాలు:30 నుంచి ‘నో హెల్మెట్.. నో పెట్రోల్’ కఠినంగా అమలు.ఇంధన బంకుల నిర్వాహకులకు పోలీసు శాఖ ఆదేశం.అవగాహనకు ప్రధాన కూడళ్లలో భారీగా ఫ్లెక్సీలు.గణాంకాలు మరియు హెచ్చరికలు:ఈ ఏడాది జనవరి నుంచి జిల్లాలో సుమారు 260 మంది ద్విచక్ర వాహనదారులు ప్రమాదాల్లో ప్రాణాలు కోల్పోగా, ఒక్క కర్నూలు నగరంలోనే 42 మంది మృతి చెందారు.

రోడ్డు ప్రమాదాల్లో 60 శాతం మంది హెల్మెట్ లేక తలలకు బలమైన గాయాలు కావడం వల్లే మరణిస్తున్నారని పోలీసుల విశ్లేషణలో తేలింది.మద్యం సేవించి వాహనాలు నడపడం, అతి వేగం కారణంగానే ఎక్కువ ప్రమాదాలు జరుగుతున్నాయని పోలీసులు గుర్తించారు.”అమ్మ జన్మనిస్తే..హెల్మెట్ పునర్జన్మనిస్తుంది” అనే నినాదంతో పోలీసులు ఈ కార్యక్రమాన్ని విస్తృతంగా ప్రచారం చేస్తున్నారు.