మేడ్చల్ మల్కాజిగిరి : మల్కాజిగిరి నియోజకవర్గంలో కాంగ్రెస్ పార్టీ శక్తిని మరింత బలోపేతం చేసే దిశగా కీలక నాయకులు అడుగులు వేస్తున్నారు.
ఈ నేపథ్యంలో, మైనంపల్లి హనుమంతరావు ఆధ్వర్యంలో ఈ రోజు మల్కాజిగిరి నియోజకవర్గ స్థాయి ముఖ్య కార్యకర్తల సమావేశం ఘనంగా నిర్వహించబడింది.
ఈ సమావేశానికి నియోజకవర్గంలోని అన్ని డివిజన్ల నుంచి పెద్ద ఎత్తున సీనియర్ కాంగ్రెస్ నాయకులు, కార్పొరేటర్లు, ముఖ్య కార్యకర్తలు హాజరయ్యారు. సమావేశం ఉత్సాహభరిత వాతావరణంలో సాగింది.
పార్టీ బలోపేతం, భవిష్యత్ కార్యక్రమాలపై చర్చిస్తూ, స్థానిక సమస్యల పరిష్కారం కోసం కృషి చేయాలని నాయకులు కార్యకర్తలకు సూచించారు.
ప్రతి డివిజన్లో పార్టీ కార్యకలాపాలను మరింత చురుకుగా నిర్వహిస్తూ ప్రజలకు చేరువ కావాలని పిలుపునిచ్చారు.
కార్యకర్తల ఐక్యత, సమన్వయంతో ముందుకు సాగితే మల్కాజిగిరిలో కాంగ్రెస్ పార్టీ మరింత బలపడుతుందని నాయకులు విశ్వాసం వ్యక్తం చేశారు.
సమావేశంలో పలువురు నాయకులు తమ అభిప్రాయాలను వెల్లడిస్తూ పార్టీ విజయానికి కృషి చేయాలని ప్రతిజ్ఞ చేశారు.
ఈ సమావేశం ద్వారా కార్యకర్తల్లో కొత్త ఉత్సాహం నెలకొనగా, రాబోయే రాజకీయ కార్యక్రమాలకు ఇది దిశానిర్దేశకంగా మారనుందని పార్టీ వర్గాలు అభిప్రాయపడుతున్నాయి.
#Sidhumaroju
Alwal
