హైదరాబాద్: తెలంగాణ రాజకీయాల్లో సంచలనం రేపిన ఫార్ములా-ఈ కార్ రేసు నిధుల మళ్లింపు కేసులో ఏసీబీ అధికారులు కీలక అడుగు వేశారు. ఈ వ్యవహారంలో మాజీ మంత్రి కేటీఆర్ను ప్రధాన నిందితుడిగా (A1) పేర్కొంటూ నాంపల్లి ఏసీబీ కోర్టులో సోమవారం చార్జిషీట్ దాఖలు చేశారు.
నిబంధనలకు విరుద్ధంగా సుమారు రూ. 55 కోట్లను విదేశీ సంస్థలకు మళ్లించారని, ఇందులో క్విడ్ ప్రో కో (ప్రతిఫలంగా ప్రయోజనం పొందడం) జరిగిందని ఏసీబీ తన అభియోగపత్రంలో పేర్కొంది.
కేటీఆర్తో పాటు ఐఏఎస్ అధికారి అరవింద్ కుమార్ (A2), హెచ్ఎండీఏ మాజీ చీఫ్ ఇంజినీర్ బి.ఎల్.ఎన్. రెడ్డి (A3) సహా మరో ఇద్దరిని నిందితులుగా చేర్చారు. గత ప్రభుత్వ హయాంలో జరిగిన ఈ నిధుల బదిలీపై ప్రస్తుత కాంగ్రెస్ ప్రభుత్వం విచారణకు ఆదేశించిన సంగతి తెలిసిందే.
