హైదరాబాద్ : తెలంగాణ రాష్ట్రంలో మున్సిపల్ వ్యవస్థలో అక్రమాలపై విజిలెన్స్ అధికారులు దృష్టి సారించారు. రాష్ట్రవ్యాప్తంగా పలు మున్సిపల్ కార్యాలయాల్లో ఆకస్మిక సోదాలు నిర్వహించడం కలకలం రేపుతోంది.
ముఖ్యంగా టౌన్ ప్లానింగ్ విభాగాల పనితీరును లక్ష్యంగా చేసుకుని అధికారులు తనిఖీలు చేపట్టినట్లు తెలుస్తోంది. బిల్డింగ్ అనుమతుల మంజూరు, పెండింగ్ ఫైళ్లు, అక్రమ నిర్మాణాలపై తీసుకున్న చర్యలపై లోతైన పరిశీలన కొనసాగుతోంది.
అధికార వర్గాల సమాచారం మేరకు, సూర్యాపేట, ఎల్బీనగర్, హయత్నగర్ మున్సిపల్ సర్కిల్ కార్యాలయాల్లో కూడా సోదాలు నిర్వహించినట్లు తెలుస్తోంది. కొన్ని ప్రాంతాల్లో నిబంధనలకు విరుద్ధంగా అనుమతులు జారీ చేయడం, ఫైళ్లను నిర్ణీత గడువులో క్లియర్ చేయకపోవడం వంటి అంశాలు అధికారుల దృష్టికి వచ్చినట్లు సమాచారం. దీంతో సంబంధిత శాఖల్లో ఉద్రిక్త పరిస్థితులు నెలకొన్నాయి.
ఈ సోదాలు ఒకటి రెండు కార్యాలయాలకు పరిమితం కాకుండా రాష్ట్రవ్యాప్తంగా విస్తరించే అవకాశం ఉందని తెలుస్తోంది. అవసరమైతే బాధ్యులపై కఠిన చర్యలు తీసుకునే అవకాశముందని అధికార వర్గాలు సూచిస్తున్నాయి.
#sidhumaroju
Alwal
