ఇంటర్ కాలేజీల్లో యోగా, క్రీడలు తప్పనిసరి |

విద్యార్థుల్లో ఒత్తిడి తగ్గించడానికి తెలంగాణ ఇంటర్మీడియట్ బోర్డు కీలక నిర్ణయం తీసుకుంది.
రాష్ట్రంలోని అన్ని జూనియర్ కాలేజీల్లో వారానికి ఒకసారి క్రీడలు, యోగా సెషన్లు నిర్వహించడం తప్పనిసరి చేస్తూ ఆదేశాలు జారీ చేసింది.

ఈ చర్యతో విద్యార్థుల్లో శారీరక దారుఢ్యం పెరగడంతో పాటు మానసిక ఉల్లాసం కూడా పెరుగుతుందని అధికారులు భావిస్తున్నారు.

క్రీడలు, యోగా ద్వారా విద్యార్థులు ఆరోగ్యకరమైన వాతావరణంలో చదువుతో పాటు వ్యక్తిత్వ వికాసం సాధిస్తారని బోర్డు పేర్కొంది.