కూకట్‌పల్లి నుంచి చార్మినార్ వరకు మెరుపుల ముప్పు |

హైదరాబాద్ జిల్లా:హైదరాబాద్ నగరంలో వచ్చే 1–2 గంటల్లో భారీ వర్షాలు, ఉరుములు, మెరుపులతో కూడిన తుఫాను వాతావరణం ఏర్పడే అవకాశం ఉంది.

కూకట్‌పల్లి, జూబ్లీహిల్స్, ఖైరతాబాద్, అమీర్‌పేట్, నాంపల్లి, చార్మినార్, హిమాయత్‌నగర్, ట్యాంక్‌బండ్ ప్రాంతాల్లో తీవ్ర వర్షాలు కురిసే సూచనలు కనిపిస్తున్నాయి. నగర ప్రజలు అప్రమత్తంగా ఉండాలి. రోడ్లపై నీటి నిల్వలు, ట్రాఫిక్ జామ్‌లు, విద్యుత్ అంతరాయం వంటి సమస్యలు తలెత్తే అవకాశం ఉంది.

జీహెచ్ఎంసీ, వాతావరణ శాఖ సూచనలు పాటిస్తూ, అవసరమైతే బయటకు వెళ్లకుండా ఉండటం మంచిది. ఇది హైదరాబాద్ నగరానికి వర్షపు హెచ్చరికగా భావించాలి.