నేడు బీసీ రిజర్వేషన్లపై కీలక విచారణ |

తెలంగాణ రాష్ట్రంలో బీసీ రిజర్వేషన్ల అంశంపై నేడు హైకోర్టులో కీలక విచారణ జరగనుంది. మధ్యాహ్నం 2:15 గంటలకు తెలంగాణ హైకోర్టు ఈ కేసును విచారించనుంది.

ఇప్పటికే పలు వాదనలు వినిపించిన నేపథ్యంలో, నేడు రాష్ట్ర అటార్నీ జనరల్ (ఏజీ) మరికొన్ని వాదనలు సమర్పించనున్నారు. బీసీ రిజర్వేషన్లపై తీసుకోబోయే తీర్పు రాజకీయంగా, సామాజికంగా ప్రభావం చూపే అవకాశం ఉండటంతో రాష్ట్రవ్యాప్తంగా ఉత్కంఠ నెలకొంది.

ఈ అంశంపై హైకోర్టు తీర్పు ఎలా ఉండబోతుందన్నది అన్ని వర్గాల్లో ఆసక్తిగా చర్చించబడుతోంది. ప్రజలు, రాజకీయ పార్టీలు, బీసీ సంఘాలు తీర్పు కోసం ఎదురు చూస్తున్నాయి.