డాలర్‌కి ప్రత్యామ్నాయంగా యువాన్‌ దూకుడు |

రష్యా నుంచి చమురు కొనుగోళ్లకు భారత్‌ చైనా కరెన్సీ యువాన్‌లో చెల్లింపులు చేస్తున్నట్లు రష్యా ఉప ప్రధాని అలెగ్జాండర్ నొవాక్‌ వెల్లడించారు.

పశ్చిమ దేశాల ఆంక్షల నేపథ్యంలో రష్యా–భారత్‌ మధ్య డాలర్‌ ఆధారిత లావాదేవీలకు పరిమితులు ఏర్పడిన నేపథ్యంలో, యువాన్‌ ద్వారా చెల్లింపులు జరిపే దిశగా భారత్‌ అడుగులు వేస్తోంది. ఇది అంతర్జాతీయ ఆర్థిక వ్యవస్థలో కీలక మార్పుగా భావిస్తున్నారు.

చైనా కరెన్సీకి ప్రాధాన్యం పెరుగుతున్న ఈ తరుణంలో, భారత్‌ నిర్ణయం గ్లోబల్‌ ట్రేడ్‌ డైనమిక్స్‌ను ప్రభావితం చేయనుంది. రష్యా చమురు దిగుమతుల్లో భారత్‌ కీలక భాగస్వామిగా మారుతున్నదని ఈ పరిణామం సూచిస్తోంది.