జేకే మెయిని గ్రూప్ పెట్టుబడి: రాష్ట్రంలో ఏరోస్పేస్ యుగం షురూ |

ప్రముఖ రేమండ్ గ్రూప్, తన అనుబంధ సంస్థ జేకే మెయిని గ్లోబల్ ఏరోస్పేస్ లిమిటెడ్ ద్వారా ఆంధ్రప్రదేశ్‌లో సుమారు ₹1,000 కోట్ల పెట్టుబడి పెట్టనున్నట్లు ప్రకటించింది.

ఈ పెట్టుబడి రాష్ట్రంలో ఏరోస్పేస్ మరియు ఆటోమోటివ్ రంగాలకు సంబంధించి రెండు అత్యాధునిక తయారీ యూనిట్ల ఏర్పాటుకు దారితీస్తుంది.

ఇందులో రూ. 510 కోట్లతో ఏరోస్పేస్ విభాగాన్ని ఏర్పాటు చేయనున్నారు.

ఇది రాష్ట్ర ఏరోస్పేస్ పాలసీ కిందకు వస్తున్న తొలి పెద్ద ప్రాజెక్ట్ కావడం విశేషం.

ఈ రెండు ప్రాజెక్టుల ద్వారా సుమారు 5,400 మందికి పైగా ప్రత్యక్ష ఉపాధి అవకాశాలు లభిస్తాయని అంచనా.

ప్రపంచ స్థాయి తయారీ యూనిట్ల ఏర్పాటుతో, రాష్ట్రం అంతర్జాతీయ సరఫరా గొలుసులో ముఖ్య స్థానాన్ని పొందనుంది.

ఈ పెట్టుబడి స్థానిక ఆర్థిక వ్యవస్థకు కొత్త ఊపునిచ్చి, నైపుణ్యాల అభివృద్ధికి దోహదపడుతుంది.