ఆంధ్రప్రదేశ్ ప్రభుత్వం సీనియర్ సిటిజన్ల కోసం ఉచిత కార్డుల జారీ ప్రక్రియను ప్రారంభించింది. 60 ఏళ్లు పైబడిన పురుషులు, 58 ఏళ్లు పైబడిన మహిళలు ఈ కార్డును పొందవచ్చు.
ఈ కార్డు ద్వారా వృద్ధులు ప్రభుత్వ పథకాలలో ప్రాధాన్యత పొందే అవకాశం ఉంది. ప్రత్యేకంగా, ఈ కార్డు పొందేందుకు కేవలం 10 నిమిషాల సమయం మాత్రమే పడుతుందని అధికారులు తెలిపారు.
ఆధార్, ఫోటో వంటి ప్రాథమిక వివరాలతో స్థానిక మున్సిపల్ కార్యాలయాల్లో లేదా గ్రామ సచివాలయాల్లో ఈ సేవలు అందుబాటులో ఉన్నాయి. వృద్ధుల సంక్షేమం కోసం ప్రభుత్వం తీసుకున్న ఈ చర్యపై ప్రజలు హర్షం వ్యక్తం చేస్తున్నారు.
