సిడ్నీ వేదికగా జరిగిన భారత్‌ vs ఆస్ట్రేలియా 3వ వన్డేలో భారత వైస్‌ కెప్టెన్‌ శ్రేయాస్ అయ్యర్‌ అద్భుత ఫీల్డింగ్‌ ప్రదర్శనతో ఆకట్టుకున్నాడు. 34వ ఓవర్‌లో హర్షిత్‌ రాణా బౌలింగ్‌లో ఆస్ట్రేలియా బ్యాటర్‌ అలెక్స్‌ కేరీ షాట్‌ ఆడగా, వెనక్కి పరిగెత్తుతూ అయ్యర్‌ ఒడిసి పట్టిన స్టన్నింగ్ క్యాచ్‌ అందరినీ ఆశ్చర్యపరిచింది.
అయితే క్యాచ్‌ పట్టిన వెంటనే ఆయన భూమిపై పడిపోయి తీవ్ర అసౌకర్యాన్ని అనుభవించాడు. ఎడమ భాగంపై గాయపడిన అయ్యర్‌ ఫీల్డ్‌ నుంచి బయటకు వెళ్లాల్సి వచ్చింది.
మ్యాచ్‌లో భారత్‌ విజయం కోసం పోరాడుతున్న తరుణంలో ఈ గాయం టీమ్‌ ఇండియాకు ఆందోళన కలిగిస్తోంది. ప్రస్తుతం వైద్య బృందం ఆయన పరిస్థితిని పరిశీలిస్తోంది. అభిమానులు త్వరగా కోలుకోవాలని ఆకాంక్షిస్తున్నారు.
