సిడ్నీ వన్డేలో భారత్‌ ఘన విజయం, రోహిత్‌ సెంచరీ |

సిడ్నీ వేదికగా జరిగిన మూడో వన్డేలో భారత్‌ ఆసీస్‌పై 9 వికెట్ల తేడాతో ఘన విజయం సాధించింది. 236 పరుగుల లక్ష్యాన్ని ఛేదించేందుకు బరిలోకి దిగిన భారత్‌ కెప్టెన్‌ రోహిత్‌ శర్మ 121 పరుగులతో నాటౌట్‌గా నిలిచాడు.

అతనికి తోడుగా విరాట్‌ కోహ్లీ 74 పరుగులతో నాటౌట్‌గా నిలిచి అద్భుత భాగస్వామ్యం అందించాడు. ఆసీస్‌ బ్యాటింగ్‌ను భారత బౌలర్లు సమర్థంగా కట్టడి చేయగా, హర్షిత్‌ 4 వికెట్లు, సుందర్‌ 2 వికెట్లు, మిగతా బౌలర్లు తలో వికెట్‌ తీసి ఆసీస్‌ను 236 పరుగులకు ఆలౌట్‌ చేశారు.

అయితే, మూడు వన్డేల సిరీస్‌లో ఆసీస్‌ 2-1 తేడాతో విజయం సాధించింది. భారత్‌ చివరి మ్యాచ్‌లో గెలిచి గౌరవాన్ని నిలబెట్టుకుంది. అభిమానులు రోహిత్‌ శతకాన్ని ప్రశంసిస్తూ సోషల్ మీడియాలో హర్షం వ్యక్తం చేస్తున్నారు.