తుఫాన్ “మొంథా” ప్రభావం నేపథ్యంలో విశాఖపట్నం జిల్లాలో నేడు, రేపు విద్యాసంస్థలకు సెలవులు ప్రకటించారు. జిల్లా కలెక్టర్ ఉత్తర్వుల మేరకు అన్ని ప్రభుత్వ, ప్రైవేట్ విద్యాసంస్థలు మూసివేయనున్నారు. తుఫాన్ తీవ్రతను దృష్టిలో ఉంచుకుని అధికారులు అప్రమత్తమయ్యారు.
అల్లూరి సీతారామరాజు జిల్లాలో కంట్రోల్‌ రూమ్ నంబర్ 77802 92811 ద్వారా ప్రజలకు సహాయం అందిస్తున్నారు. విజయనగరం జిల్లాపై కూడా తుఫాన్ ప్రభావం కనిపించే అవకాశం ఉన్నందున, అక్కడి అధికారులు ముందస్తు చర్యలు చేపట్టారు. తీరప్రాంతాల్లో SDRF, NDRF బృందాలు మోహరించాయి.
విద్యార్థుల భద్రతను దృష్టిలో ఉంచుకుని సెలవులు ప్రకటించడం పట్ల తల్లిదండ్రులు హర్షం వ్యక్తం చేస్తున్నారు. విశాఖ జిల్లా ప్రజలు అధికారిక సూచనలను పాటిస్తూ అప్రమత్తంగా ఉండాలని సూచిస్తున్నారు.
