తెలంగాణలో బీఆర్ఎస్ పాలనపై ప్రజల్లో తీవ్ర అసంతృప్తి నెలకొన్నదని కాంగ్రెస్ నేత కోమటిరెడ్డి వెంకట్‌రెడ్డి వ్యాఖ్యానించారు.
జూబ్లీహిల్స్ నియోజకవర్గంలో కాంగ్రెస్ గెలుపు ఖాయమని ఆయన ధీమా వ్యక్తం చేశారు. కంటోన్మెంట్‌లో సెంటిమెంట్ పనిచేయనట్లే, జూబ్లీహిల్స్‌లోనూ అదే పరిస్థితి ఉంటుందని చెప్పారు. ప్రజలు బీఆర్‌ఎస్‌ను నమ్మే స్థితిలో లేరని, దోపిడీ పాలనను భరించలేక కాంగ్రెస్‌కు అధికారం అప్పగించారని పేర్కొన్నారు.
హైదరాబాద్ జిల్లాలోని జూబ్లీహిల్స్ నియోజకవర్గం రాజకీయంగా కీలకంగా మారింది. స్థానిక అభ్యర్థులపై ప్రజల్లో స్పష్టమైన అభిప్రాయం ఏర్పడినట్లు రాజకీయ విశ్లేషకులు భావిస్తున్నారు.
