Follow Us
Follow Us
తెలుగు రాష్ట్రాల్లో బస్సు ప్రమాదాలు వరుసగా జరుగుతున్నాయి. తాజాగా వరంగల్–హైదరాబాద్ నేషనల్ హైవే పై జనగామ డిపో RTC బస్సు ప్రమాదానికి గురైంది. 38 మంది ప్రయాణికులతో బస్సు ఉప్పల్ వైపు వస్తుండగా, ఔశాపూర్ వద్ద ఓవర్‌టేక్ ప్రయత్నంలో అదుపు తప్పి బస్సు డివైడర్‌ను ఢీకొట్టి అవతలి రహదారిపైకి దూసుకెళ్లింది.
సాక్షుల సమాచారం ప్రకారం, బస్సులో ఉన్న ప్రయాణికులు తీవ్ర భయాందోళనకు గురయ్యారు. అదృష్టవశాత్తు ఎవరూ ప్రాణాపాయం పాలకలేదు. పోలీసులు సంఘటనా స్థలానికి చేరి సహాయక చర్యలు చేపట్టగా, క్రేన్ సహాయంతో బస్సును రహదారి పక్కకు తరలించారు. ఘట్‌కేసర్ పోలీసులు కేసు నమోదు చేసి దర్యాప్తు ప్రారంభించారు.
ఇటీవలి కాలంలో RTC, ప్రైవేట్ బస్సులు వరుసగా ప్రమాదాలకు గురవుతున్నాయి. ట్రాఫిక్ పోలీసులు డ్రైవర్‌ల నిర్లక్ష్యం, వేగం, ఓవర్‌టేక్ ప్రయత్నాలను ప్రధాన కారణంగా గుర్తించారు. అధికారులు డ్రైవర్‌లకు జాగ్రత్తగా నడపమని, ప్రయాణికుల భద్రతను ప్రధానంగా ఉంచమని హెచ్చరికలు జారీ చేశారు.
