కాకినాడ రూరల్ మండలంలో మూగజీవాలపై విషప్రయోగం జరిగిన ఘటన స్థానికంగా తీవ్ర కలకలం రేపుతోంది. మేత తిన్న కొద్దిసేపటికే పశువులు ఆకస్మికంగా కుప్పకూలి ప్రాణాలు విడవడంతో యజమానులు కన్నీరుమున్నీరవుతున్నారు.
ఈ ఘటనలో సుమారు ₹5 లక్షల మేర ఆస్తి నష్టం సంభవించినట్లు అంచనా.
సమాచారం అందుకున్న పోలీసులు సంఘటనా స్థలానికి చేరుకుని దర్యాప్తు చేపట్టారు. మృతదేహాలకు పోస్ట్మార్టం నిర్వహించి, గతంలోనూ ఇలాంటి ఘటనలు జరిగాయన్న యజమానుల ఫిర్యాదు మేరకు బాధ్యులపై కఠిన చర్యలు తీసుకుంటామని హామీ ఇచ్చారు.
