మదనపల్లెలో బాలికపై జరిగిన అమానుష ఘటనపై హోం మంత్రి బుధవారం స్పందించారు. నిందితుడు గంజాయి మత్తులో ఈ ఘాతుకానికి పాల్పడ్డాడని, ఘటన తర్వాత ప్రజల ఆగ్రహం మరియు ఉద్రిక్త పరిస్థితుల నేపథ్యంలో ఏర్పడిన ఒత్తిడితో అతడు ఆత్మహత్య చేసుకున్నాడని తెలిపారు.
రాష్ట్ర ప్రభుత్వం ఈ విషయాన్ని తీవ్రంగా పరిగణించిందని, బాధిత కుటుంబానికి ప్రభుత్వం అన్ని విధాలా అండగా ఉండి పూర్తి న్యాయం చేస్తుందని ఆమె ఈ సందర్భంగా హామీ ఇచ్చారు.
