విజయవాడ వేదికగా జరుగుతున్న ఏపీ ప్రజాప్రతినిధుల క్రీడా పోటీలు మూడవ రోజుకు చేరుకున్నాయి. రాజకీయ వ్యూహాలు, ప్రజా సమస్యలతో నిత్యం బిజీగా ఉండే మంత్రులు, ఎమ్మెల్యేలు మైదానంలో క్రీడాకారులుగా మారి అలరించారు.
రాయచోటి ఎమ్మెల్యే, రాష్ట్ర క్రీడా శాఖ మంత్రి మండిపల్లి రాంప్రసాద్ రెడ్డి ఈ పోటీల్లో ప్రత్యేక ఆకర్షణగా నిలిచారు. ఆయన జావెలిన్ త్రో, షాట్పుట్ మరియు త్రోబాల్ వంటి పోటీల్లో పాల్గొని తన క్రీడా నైపుణ్యాన్ని ప్రదర్శించారు. నియోజకవర్గ బాధ్యతలతో పాటు క్రీడల్లోనూ ఆయన చూపిన ఉత్సాహం తోటి సభ్యులను ఆకట్టుకుంది.
