భవానీపురం స్వాతి థియేటర్ సమీపంలోని రజ మసీద్లో సోమవారం సాయంత్రం ఇఫ్తార్ విందు కోలాహలంగా జరిగింది. ఈ కార్యక్రమానికి మాజీ మంత్రి వెలంపల్లి శ్రీనివాసరావు, ఎమ్మెల్సీ ఎండి రుహుల్లా హాజరయ్యారు. కార్పొరేటర్ మొహమ్మద్ ఇర్ఫాన్ ఆధ్వర్యంలో ఏర్పాటు చేసిన ఈ విందులో ముస్లిం సోదరులతో కలిసి వారు ఇఫ్తార్ను స్వీకరించారు.
అంతకుముందు మసీద్లో జరిగిన ప్రత్యేక ప్రార్థనల్లో పాల్గొన్న వెలంపల్లి, రంజాన్ పండుగ సోదరభావాన్ని పెంచుతుందని కొనియాడారు. మైనారిటీల సంక్షేమమే లక్ష్యంగా వైఎస్సార్సీపీ పనిచేస్తుందని ఈ సందర్భంగా పునరుద్ఘాటించారు. భారీ సంఖ్యలో ముస్లిం సోదరులు పాల్గొన్న ఈ కార్యక్రమం మతసామరస్యానికి ప్రతీకగా నిలిచింది. నిర్వాహకులు అతిథులను ఘనంగా సత్కరించారు.
