మంచిర్యాల జిల్లా దండేపల్లి మండలం గూడెం జడ్పీహెచ్ఎస్ పాఠశాలలో విశాఖ చారిటబుల్ ట్రస్ట్ ఆధ్వర్యంలో ఎంపీ గడ్డం వంశీకృష్ణ విద్యార్థులకు స్కూల్ బ్యాగులు పంపిణీ చేశారు. ఈ కార్యక్రమంలో కలెక్టర్ కుమార్ దీపక్ పాల్గొన్నారు. విద్యార్థుల సౌకర్యార్థం త్వరలోనే పాఠశాలకు బెంచీలు అందజేస్తామని ఎంపీ హామీ ఇచ్చారు. అనంతరం విద్యార్థులతో కలిసి ఆయన మధ్యాహ్న భోజనం చేశారు. అయితే, కార్యక్రమానికి వస్తుండగా కొందరు కాంగ్రెస్ నాయకులు అడ్డుకోవడం బాధాకరమని, రాజకీయ విభేదాలు పక్కనపెట్టి అభివృద్ధి కోసం కలిసి పనిచేయాలని ఎంపీ సూచించారు. గతంలో ఆలయ అభివృద్ధి పనుల సమయంలోనూ ఇలాంటి చేదు అనుభవం ఎదురైందని గుర్తుచేశారు. ప్రజల సంక్షేమమే తన ప్రధాన లక్ష్యమని, రాజకీయాలను తాను పట్టించుకోనని ఎంపీ వంశీకృష్ణ స్పష్టం చేశారు.
