విశాఖపట్నం కలెక్టరేట్ రెవెన్యూ అసోసియేషన్ భవనంలో మహిళా దినోత్సవ వేడుకలు రెండో రోజు ఘనంగా జరిగాయి. సుమారు 160 మంది మహిళా ఉద్యోగులు ఎర్రటి వస్త్రాలు ధరించి ఈ వేడుకల్లో ఉత్సాహంగా పాల్గొన్నారు. జిల్లా కలెక్టర్ హరీంద్ర ప్రసాద్ మాట్లాడుతూ మహిళల శక్తి సామర్థ్యాలే సమాజానికి ఆధారం అని పేర్కొన్నారు.
అదనపు కలెక్టర్ విద్యాధరి విశాఖ నగరంపై తనకున్న మమకారాన్ని చాటుకుంటూ మహిళా సాధికారతపై ప్రసంగించారు. అనంతరం వివిధ పోటీల్లో విజేతలుగా నిలిచిన వారికి బహుమతులు ప్రధానం చేశారు. ఈ కార్యక్రమం మహిళా ఉద్యోగుల్లో కొత్త ఉత్సాహాన్ని నింపింది. సాగర తీరాన జరిగిన ఈ వేడుకలు కన్నుల పండువగా సాగాయి. జిల్లా యంత్రాంగం మహిళా ఉద్యోగుల కృషిని ఈ సందర్భంగా అభినందించింది.
