మంచిర్యాల జిల్లా వేమనపల్లి మండలానికి చెందిన క్రీడాకారులు రాష్ట్రస్థాయి అథ్లెటిక్స్ పోటీల్లో అద్భుత ప్రతిభ కనబరిచారు. హనుమకొండలో జరిగిన ఛాంపియన్షిప్లో జడగళ్ల అంజలి హైజంప్లో రజత పతకం సాధించగా, కుర్రు శ్రీవాణి లాంగ్ జంప్లో ఆరో స్థానం దక్కించుకుంది. ఈ విజేతలను వేమనపల్లి సర్పంచుల ఫోరం అధ్యక్షులు చెన్నూర్ సమ్మయ్య ఆధ్వర్యంలో ఘనంగా సన్మానించారు.
ఈ కార్యక్రమంలో ఎంపీడీవో కుమారస్వామి, ఎస్సై జగదీష్, వ్యాయామ ఉపాధ్యాయులు దాసరి మల్లేష్ మరియు పలువురు ప్రజాప్రతినిధులు పాల్గొని క్రీడాకారులను అభినందించారు. గ్రామీణ ప్రాంత విద్యార్థులు రాష్ట్రస్థాయిలో రాణించడం పట్ల సర్వత్రా హర్షం వ్యక్తమవుతోంది.
