ముఖ్యమంత్రి చంద్రబాబు అధ్యక్షతన జరిగిన ఏపీ కేబినెట్ భేటీలో రూ. 2.01 లక్షల కోట్ల విలువైన 25 భారీ ప్రాజెక్టులకు ఆమోదం లభించింది. దీని ద్వారా రాష్ట్రంలో సుమారు 39,000 మందికి పైగా ఉద్యోగ అవకాశాలు లభించనున్నాయి.
ముఖ్యంగా విశాఖలో రిలయన్స్ డేటా సెంటర్ (రూ. 1.08 లక్షల కోట్లు), సత్యసాయి జిల్లాలో సోలార్ ప్లాంట్, కడపలో అదానీ హైడ్రో ప్రాజెక్టులకు గ్రీన్ సిగ్నల్ ఇచ్చారు. అలాగే రాయల్ ఎన్ఫీల్డ్, అపోలో టైర్స్ వంటి ప్రతిష్టాత్మక యూనిట్లు రాష్ట్రానికి రానున్నాయి. వీటితో పాటు ప్రభుత్వ వ్యయ నియంత్రణలో భాగంగా విఐపి కాన్వాయ్ల తగ్గింపుపై కూడా కేబినెట్ కీలక నిర్ణయం తీసుకుంది.
