*అమ్మకానికి ఏపీ పట్టణాలు*
*దొడ్డిదారిన మళ్లీ చెత్త పన్ను*
*వ్యాపార సంస్థలుగా మున్సిపాలిటీలు*
*వికసిత్ ఏపీ పేరిట వినాశకర ప్రైవేటీకరణ విధానాలు*
*మున్సిపల్ స్థలాలు, సర్వీసులను ప్రైవేటేకరిస్తూ జీవో 673 విడుదల*
*ప్రతి పనికి రేటు కట్టి ఫీజులు వసూలు చేయనున్న మున్సిపాలిటీలు*
*ఖాళీ స్థలాలు, కాంప్లెక్స్లు, కార్యాలయాలు.. సర్వం 99 ఏళ్లకు బడా కంపెనీలకు లీజులు*
*జీవో 673 ఉపసంహరించాలి, లేనియెడల రాష్ట్ర వ్యాప్తంగా ఉద్యమం*
-సిహెచ్ బాబురావు, సిపిఎం
రాష్ట్ర కార్యదర్శి వర్గ
సభ్యులు
#నేడు విజయవాడలోని
సిపిఎం కార్యాలయంలో
జరిగిన పత్రికా విలేకరుల
సమావేశంలో బాబురావు,
రాష్ట్ర కమిటీ సభ్యులు డి.
కాశీనాథ్ తో కలిసి
మాట్లాడారు*
#బాబురావు మాట్లాడుతూ…..
*రాష్ట్రంలో కూటమి, ఎన్డీఏ పాలనకు రెండేళ్లు పూర్తయిన సందర్భంగా మున్సిపాలిటీలను ప్రైవేటీకరిస్తూ రాష్ట్ర ప్రభుత్వం జీవో 673 విడుదల చేయటం శోచనీయం*
*వికసిత్ భారత్, ఏపీ పేరుతో కేంద్ర, రాష్ట్ర ప్రభుత్వాలు వినాశకర విధానాలు చేపట్టడం దుర్మార్గం*
*రాష్ట్రంలోని 123 కార్పొరేషన్ లు, మున్సిపాలిటీలు, 21 అర్బన్ డెవలప్మెంట్ అథారిటీలలోని ఆస్తులను బడా కంపెనీలకు ధారాదత్తం చేయడానికి పూనుకోవటం గర్హనీయం*
*మున్సిపల్ స్థలాలు, కమర్షియల్ కాంప్లెక్స్ లు, కార్యాలయాలు, పార్కులు, ఆడిటోరియంలు, స్టేడియంలు… సర్వం.. కారు చౌకగా ప్రైవేటీకరణ ముసుగులో బడా సంస్థలకు దఖలుపరిచే ప్రయత్నాలు ప్రమాదకరం*
*మంచినీటి సరఫరా, డ్రైనేజీ, పారిశుద్ధ్య నిర్వహణ, వీధిలైట్లు మొత్తం పౌర సేవలను వ్యాపార పరం చేస్తూ ఆదేశాలు ఇవ్వడం హానికరం*
*గత ప్రభుత్వంలో రుద్దిన చెత్త పన్నును, ప్రజలు తీవ్రంగా వ్యతిరేకించారు, పోరాడారు, ఫలితంగా చెత్త పన్ను రద్దయింది*
*కూటమి ప్రభుత్వం యూజర్ చార్జీల పేరుతో చెత్త పన్ను, మంచినీరు, డ్రైనేజీ తదితర పౌర సేవలు అన్నింటి పైన భారం వేయటానికి ఆదేశాలు ఇవ్వటం నమ్మకద్రోహమే*
*ఒకవైపున పేదలకు పట్టాలిస్తాం అని.. మురిపిస్తూ.. మరోవైపున పేదల మురికివాడలను తొలగించి, ప్రైవేట్ కంపెనీల స్థలాలను కట్టబెట్టి పేదల పొట్ట కొట్టడానికి కూటమి సర్కార్ కుట్ర పన్నుతోంది*
*పట్టణాభివృద్ధికి 45 వేల కోట్ల రూపాయల నిధులు అవసరమని.. ప్రభుత్వం వాటిని సమకూర్చలేదనే సాకుతో.. పట్టణాలను బడా సంస్థల దయాదాక్షిన్యాలకు వదిలిపెట్టడం తగదు*
*పట్టణాలలో పౌర సదుపాయాలను కల్పించలేక ఎన్డీఏ ప్రభుత్వం చేతులెత్తేయటం బాధాకరం*
*పట్టణ స్థానిక సంస్థలను కార్పొరేట్ సంస్థలుగా చేయటానికి ప్రభుత్వం సన్నాహాలు చేస్తోంది*
*పౌర సదుపాయాలన్నిటిని వ్యాపార సరుకులుగా మార్చుతోంది*
*ప్రజల ఆస్తులను బడా కంపెనీలకు కట్టబెట్టటమే కాకుండా, వయబుల్ గ్యాప్ ఫండింగ్ పేరుతో వారికి ప్రభుత్వ నిధులను కూడా సమకూర్చటానికి సర్కార్ ఆదేశాలు ఇవ్వటం తగదు*
*రాష్ట్ర ప్రభుత్వం, ముఖ్యమంత్రి చంద్రబాబు, లోకేష్ 99 బ్రాండ్ గా మార్చుకున్నారు, 99 పైసలకే కార్పొరేట్లకు భూములు కట్టబెడుతున్నారు, ఇప్పుడు 99 సంవత్సరాలు పాటు మున్సిపల్ ఆస్తులను ధారధక్తం చేస్తున్నారు, 99 ప్రభుత్వంగా మారిపోయింది*
*కార్పొరేట్ విద్యాసంస్థలను నడుపుతున్న మంత్రి నారాయణ మున్సిపాలిటీలను కూడా కార్పొరేట్ సంస్థలుగా మార్చే ప్రయత్నాలు చేయటం దుర్మార్గం*
*అభివృద్ధి పేరుతో వినాశకర విధానాలను పాలకులు చేపట్టారు*
*ఒకవైపున కేంద్ర, రాష్ట్ర ప్రభుత్వాలు వివిధ రూపాలలో పన్నులు వసూలు చేస్తూ, స్థానిక సంస్థలలో ప్రతి సంవత్సరం ఇంటి పన్ను 15% చొప్పున, ఐదేళ్లలో 130% పైగా పెంచారు*
*మళ్లీ ప్రతి పనికి రేటు కట్టి యూజర్ చార్జీలు వసూలు చేయాలని నిర్ణయించడం విచారకరం*
*మున్సిపల్ సర్వీసుల ప్రైవేటీకరణతో ఉద్యోగుల, కార్మికుల భవిష్యత్తు అంధకారంగా మారుతుంది*
*స్థానిక సంస్థలు అప్పుల ఊబిలో కూరుకుపోతాయి*
*ఇప్పటికే విజయవాడ, విశాఖపట్నం లో రోడ్ల ప్రైవేటీకరణ ప్రారంభమైంది*
*విజయవాడలో వాణిజ్యసముదాయాలను అభివృద్ధి పేరుతో కూల్చడానికి సన్నాహాలు చేస్తున్నారు, భవాని ఐలాండ్ ప్రైవేట్ పరం చేస్తున్నారు, ఆర్టీసీ స్థలాలను లూలూ కంపెనీకి కట్టబెట్టే ప్రయత్నాలు చేశారు, బస్ డిపోలను ప్రైవేటు సంస్థలకు కట్టబెడుతున్నారు*
*రాష్ట్ర అభివృద్ధికి ,ప్రజల ప్రయోజనాలకు వ్యతిరేకమైన జీవో 673 ఉపసంహరించాలి*
*దీనికి వ్యతిరేకంగా సిపిఎం రాష్ట్ర వ్యాప్త ఉద్యమం చేపడుతుంది, ప్రజలందరూ ఈ విధానాలను నిరసించాలి*
#కాశీనాథ్ మాట్లాడుతూ..
*ప్రజల ఆస్తులను సొంత సొమ్ము లాగా కేటాయింపులు చేయటం పాలకులకు తగదు*
*మున్సిపాలిటీలలో వాహన డిపోలలో ప్రైవేటు వాహనాలను ప్రవేశపెట్టి కార్మికులను దెబ్బతీయటానికి ప్రయత్నాలు జరుగుతున్నాయి*
*పిపిపి ముసుగులో రోడ్లను ప్రైవేటు కంపెనీలకి కట్టబెడుతూ నడకను వ్యాపారంగా మారుస్తున్నాయి*
*యూజర్ చార్జీలో ముసుగులో ప్రజలపై భారాలు వేయటం తగదు*
*ఐక్య ఉద్యమం ద్వారా వీటిని తిప్పి కొడతాం.*
