🎤భారత్ ఆవాజ్ న్యూస్: తెలంగాణ రాష్ట్రవ్యాప్తంగా ఉన్న అనుబంధ న్యాయ కళాశాలల్లో ప్రవేశాల నిమిత్తం TG LAWCET మరియు PGLCET అడ్మిషన్ల సమగ్ర కౌన్సిలింగ్ షెడ్యూల్ను ఉన్నత విద్యామండలి అధికారులు అధికారికంగా విడుదల చేశారు. ఎల్ఎల్బీ కోర్సుల ఆన్లైన్ రిజిస్ట్రేషన్లు జూలై 5 నుండి జూలై 10వ తేదీ వరకు నిర్వహించనున్నారు. షెడ్యూల్ ప్రకారం జూలై 10 లోపు దరఖాస్తు చేసుకున్న అభ్యర్థులకు జూలై 24న మొదటి దశ సీట్ల కేటాయింపు జరగనుంది. అదేవిధంగా, పీజీ లా కోర్సుల రిజిస్ట్రేషన్ల ప్రక్రియ జూలై 27 నుండి జూలై 31 వరకు కొనసాగి, ఆపై ఆగస్టు 5న సీట్ల కేటాయింపు చేపట్టనున్నారు. ఈ అడ్మిషన్లకు సంబందించిన ఏమైనా సందేహాలు ఉంటే అధికారిక వెబ్సైట్ lawcet.tgche.ac.in ను సందర్శించగలరని అధికారులు అభ్యర్థులకు సూచించారు
