భద్రాద్రి కొత్తగూడెం జిల్లా ప్రజలకు డీఎఫ్ఓ సిద్ధార్థ్ విక్రమ్ సింగ్ దసరా శుభాకాంక్షలు. హరిత తెలంగాణ సాధనకు అడవులు, వన్యప్రాణులను కాపాడాలని పిలుపు.
విజయదశమి పర్వదినాన్ని పురస్కరించుకుని భద్రాద్రి కొత్తగూడెం జిల్లా ప్రజలకు తెలంగాణ అటవీ శాఖ తరఫున జిల్లా అటవీ అధికారి సిద్ధార్థ విక్రమ్ సింగ్, ఐఎఫ్ఎస్ శుభాకాంక్షలు తెలిపారు. అసత్యంపై సత్యం, చెడుపై మంచితనం సాధించే విజయానికి విజయదశమి ప్రతీకగా నిలుస్తుందని ఆయన పేర్కొన్నారు.
ఈ పండుగ స్ఫూర్తితో ప్రకృతి పరిరక్షణకు ప్రతి ఒక్కరూ తమ వంతు బాధ్యతగా కృషి చేయాలని పిలుపునిచ్చారు. అడవులు, వన్యప్రాణులు, జల వనరులు సహా సహజ సంపదను కాపాడుకోవడం ద్వారా పర్యావరణ సమతుల్యతను పరిరక్షించవచ్చని తెలిపారు.
అడవుల సంరక్షణ, వన్యప్రాణుల రక్షణ, జల వనరుల పరిరక్షణకు ప్రజలందరూ సహకరించాలని కోరారు. భవిష్యత్ తరాలకు పచ్చని ప్రకృతిని అందించేందుకు ప్రతి ఒక్కరూ బాధ్యతాయుతంగా వ్యవహరించాలని సూచించారు. హరిత తెలంగాణ నిర్మాణమే లక్ష్యంగా అడవులను కాపాడుతూ, వన్యప్రాణులను రక్షిస్తూ, ప్రకృతి సంపదను సంరక్షించేందుకు అందరం కలిసి పనిచేద్దామని జిల్లా అటవీ అధికారి సిద్ధార్థ విక్రమ్ సింగ్ ఈ సందర్భంగా పిలుపునిచ్చారు.
