ఏపీలో పారదర్శకమైన, వేగవంతమైన సేవలు అందించడమే లక్ష్యంగా సీఎం చంద్రబాబు కీలక నిర్ణయం తీసుకున్నారు. రాష్ట్రంలోని తొమ్మిది మంది మంత్రులకు ఈ నెల 21 నుండి 27 వరకు సింగపూర్లో ప్రత్యేక శిక్షణ ఏర్పాటు చేశారు. సుపరిపాలన, ఆధునిక పరిపాలన పద్ధతులు, డిజిటల్ గవర్నెన్స్ మరియు పెట్టుబడుల ఆకర్షణపై మంత్రులు అక్కడ అవగాహన పెంచుకోనున్నారు.
పయ్యావుల కేశవ్, అచ్చెన్నాయుడు, అనిత సహా పలువురు మంత్రులు ఈ పర్యటనలో సింగపూర్ విజయవంతమైన నమూనాలను అధ్యయనం చేస్తారు. ఈ శిక్షణ ద్వారా లభించే పరిజ్ఞానం రాష్ట్ర అభివృద్ధికి, ప్రభుత్వ సేవల్లో నాణ్యత పెంచడానికి ఎంతగానో దోహదపడుతుందని ప్రభుత్వం భావిస్తోంది.
