🎤కుమురం భీం ఆసిఫాబాద్ భారత ఆవాజ్ ప్రతినిధి జగదీష్
ఆసిఫాబాద్, జూలై 01:ఆసిఫాబాద్ మున్సిపాలిటీ పరిధిలోని 11వ వార్డు సందీప్ నగర్ కాలనీలో దీర్ఘకాలంగా వేధిస్తున్న తాగునీటి కొరత, కల్వర్ట్ నిర్మాణ సమస్యలకు త్వరలోనే మోక్షం లభించనుండగా, స్థానిక కౌన్సిలర్ రాపర్తి కార్తీక్ ప్రజల ఇబ్బందులను రాతపూర్వక వినతి ద్వారా మున్సిపల్ కమిషనర్ దృష్టికి తీసుకెళ్లడంతో అధికారులు వేగంగా కదిలారు. దీనిపై తక్షణమే స్పందించిన కమిషనర్ గారు, డీఈ మేడం, శానిటరీ ఇన్స్పెక్టర్, 1వ వార్డు కౌన్సిలర్ వినోద్ మరియు మున్సిపల్ సిబ్బందితో కలిసి నేరుగా కాలనీలో పర్యటించి క్షేత్రస్థాయి పరిస్థితులను స్వయంగా సమీక్షించారు. అక్కడ ఉన్న సమస్యల తీవ్రతను గుర్తించిన కమిషనర్, సంబంధిత విభాగాల అధికారులతో చర్చించి వీలైనంత త్వరగా పనులు ప్రారంభించి సమస్యలను శాశ్వతంగా పరిష్కరిస్తామని స్పష్టమైన హామీ ఇచ్చారు. ప్రజా సమస్యలపై నిరంతరం తపిస్తూ తక్షణ పరిష్కారానికి చొరవ చూపిన కౌన్సిలర్ రాపర్తి కార్తీక్కు, అలాగే సానుకూలంగా స్పందించి కాలనీని సందర్శించి పనులకు హామీ ఇచ్చిన మున్సిపల్ కమిషనర్తో పాటు పాల్గొన్న మున్సిపల్ అధికారులందరికీ సందీప్ నగర్ కాలనీ ప్రజలు ఈ సందర్భంగా ప్రత్యేక కృతజ్ఞతలు మరియు అభినందనలు తెలిపారు.
