ఎమ్మిగనూరు తహశీల్దార్ కార్యాలయంలో ఏఐఎస్ఎఫ్ ఆధ్వర్యంలో సోమవారం వినతి పత్రం సమర్పించారు. విద్యా రంగంలో నెలకొన్న సమస్యలను పరిష్కరించాలని కోరుతూ డిప్యూటీ తహశీల్దార్ వీరభద్ర గౌడ్ గారికి విజ్ఞప్తి చేశారు. సంక్షేమ వసతి గృహాల్లో ఖాళీ పోస్టుల భర్తీ, పెండింగ్లో ఉన్న ఫీజు రీయింబర్స్మెంట్ బకాయిలు విడుదల చేయాలని డిమాండ్ చేశారు. అలాగే, జీవో నెంబర్ 77ను రద్దు చేయాలని, ప్రభుత్వ కళాశాలలను ఏర్పాటు చేయాలని కోరారు. యూనివర్సిటీల్లో నిధుల కొరత, ఖాళీ పోస్టుల భర్తీపై ప్రభుత్వం నిర్లక్ష్యంగా వ్యవహరిస్తోందని ఆరోపించారు. మంత్రి నారా లోకేష్ ఇచ్చిన హామీలను నెరవేర్చాలని, లేనిపక్షంలో ఆందోళనలను ఉధృతం చేస్తామని ఏఐఎస్ఎఫ్ నాయకులు హెచ్చరించారు. ఈ కార్యక్రమంలో గఫూర్, షాహిద్ బాషా తదితరులు పాల్గొన్నారు.
