కొండేపి నియోజకవర్గంలో మంత్రులు శ్రీమతి సవిత, డా. డోలా శ్రీ బాల వీరాంజనేయస్వామి మరియు కనిగిరి ఎమ్మెల్యే డాక్టర్ ముక్కు ఉగ్ర నరసింహారెడ్డి పలు అభివృద్ధి కార్యక్రమాల్లో పాల్గొన్నారు. సింగరాయకొండలో రూ. 60 లక్షల వ్యయంతో నిర్మించిన ఎస్టీ కాలనీ అప్రోచ్ రోడ్డును వారు ప్రారంభించారు. అనంతరం మహాత్మా జ్యోతిబా పూలే పాఠశాల నిర్మాణ స్థలాలను పరిశీలించారు. టంగుటూరులోని బీసీ వెల్ఫేర్ పాఠశాలను సందర్శించి విద్యార్థులకు స్పోర్ట్స్ డ్రెస్సులను పంపిణీ చేశారు. ఉత్తమ బోధన అందిస్తున్న ఉపాధ్యాయులను ఈ సందర్భంగా ఘనంగా సత్కరించారు. వెనుకబడిన వర్గాల సంక్షేమం, నాణ్యమైన విద్య, మెరుగైన మౌలిక సదుపాయాల కల్పనకు కూటమి ప్రభుత్వం కట్టుబడి ఉందని వారు స్పష్టం చేశారు. విద్యార్థుల భవిష్యత్తు కోసం ప్రభుత్వం ప్రత్యేక శ్రద్ధ వహిస్తోందని ఈ సందర్భంగా నాయకులు పేర్కొన్నారు.
