కేంద్ర ఆర్థిక మంత్రి నిర్మలా సీతారామన్ పుట్టినరోజు సందర్భంగా ఆంధ్రప్రదేశ్ ముఖ్యమంత్రి నారా చంద్రబాబు నాయుడు ఆమెకు హృదయపూర్వక శుభాకాంక్షలు తెలిపారు. ‘ఎక్స్’ వేదికగా ప్రత్యేక సందేశాన్ని పోస్ట్ చేసిన చంద్రబాబు.. నిర్మలా సీతారామన్ సంపూర్ణ ఆయురారోగ్యాలతో, సంతోషంగా జీవించాలని ఆకాంక్షించారు.
దేశ ప్రగతికి ఆమె అచంచలమైన శక్తితో మార్గనిర్దేశం చేస్తూ మరిన్ని సేవలు అందించాలని కోరుకున్నారు. ప్రస్తుతం నిర్మలా సీతారామన్కు ప్రధానమంత్రి నరేంద్ర మోదీతో పాటు పలువురు కేంద్ర మంత్రులు, వివిధ రాష్ట్రాల ముఖ్యమంత్రులు, రాజకీయ, వ్యాపార ప్రముఖులు సోషల్ మీడియా ద్వారా జన్మదిన శుభాకాంక్షలు తెలియజేస్తున్నారు. కేంద్ర ఆర్థిక మంత్రిగా నిర్మలా సీతారామన్ దేశ ఆర్థిక వ్యవస్థకు సంబంధించిన కీలక నిర్ణయాల్లో ముఖ్యమైన పాత్ర పోషిస్తున్నారు. ఈ సందర్భంగా ఆమెకు దేశవ్యాప్తంగా పలువురు ప్రముఖులు శుభాకాంక్షలు అందిస్తున్నారు.
