కుత్బుల్లాపూర్ అభివృద్ధికి నిరంతరం కృషి: ఎమ్మెల్యే కేపీ వివేకానంద్|

మౌలిక వసతుల కల్పనలో భాగంగా గాజులరామారం డివిజన్‌లోని పలు కాలనీలలో సుమారు 4.32 కోట్ల రూపాయలతో చేపట్టనున్న బీటీ రోడ్డు, సీసీ రోడ్డు పనులకు బీఆర్‌ఎస్‌ ఎల్పీ విప్‌, ఎమ్మెల్యే కేపీ వివేకానంద్‌ శంకుస్థాపన చేశారు. ఈ సందర్భంగా మాట్లాడుతూ… గత 12 ఏళ్లలో నియోజకవర్గంలోని అన్ని కాలనీలు, బస్తీల అభివృద్ధి లక్ష్యంగా కోట్లాది రూపాయలు వెచ్చించామని, అభివృద్ధి అనేది నిరంతర ప్రక్రియ అని తెలిపారు. రానున్న రోజుల్లో కుత్బుల్లాపూర్‌లోని అన్ని ప్రాంతాలలో మౌలిక వసతులను మరింత అభివృద్ధి చేస్తామన్నారు.

ఈ కార్యక్రమంలో వివిధ విభాగాల అధికారులు, మాజీ కార్పొరేటర్ జగన్, పాక్స్ డైరెక్టర్ పరుశ శ్రీనివాస్ యాదవ్, డివిజన్ అధ్యక్షులు విజయ్ రాంరెడ్డి, నాయకులు, కార్యకర్తలు మరియు ఆయా కాలనీల సంక్షేమ సంఘాల సభ్యులు పాల్గొన్నారు.