Madanapalle: తంబళ్లపల్లె నియోజకవర్గ ఇన్చార్జ్ మాజీ ఎమ్మెల్యే శంకర్ యాదవ్ సోమవారం అన్నమయ్య జిల్లా కలెక్టర్ నిశాంత్ కుమార్ను మర్యాదపూర్వకంగా కలిశారు. ఆయనతోపాటు తంబళ్లపల్లె నియోజకవర్గానికి చెందిన పలువురు నాయకులు కలెక్టర్ను కలిసి నియోజకవర్గంలోని పలు సమస్యలు, అభివృద్ధి అంశాలపై చర్చించారు. ఈ సందర్భంగా నియోజకవర్గంలోని ప్రజలు ఎదుర్కొంటున్న సమస్యలు, మౌలిక వసతుల అభివృద్ధి, ప్రజా అవసరాలు తదితర అంశాలను కలెక్టర్ నిశాంత్ కుమార్ దృష్టికి శంకర్ యాదవ్ తీసుకెళ్లారు.
ప్రజలకు ప్రభుత్వ సంక్షేమ పథకాలు సమర్థవంతంగా అందేలా చర్యలు తీసుకోవడంతో పాటు నియోజకవర్గ అభివృద్ధికి అవసరమైన సహకారం అందించాలని కోరారు. ప్రజా సమస్యలను ప్రాధాన్యతతో పరిష్కరించేందుకు అధికార యంత్రాంగం చర్యలు తీసుకోవాలని విజ్ఞప్తి చేశారు. దీనిపై కలెక్టర్ నిశాంత్ కుమార్ సానుకూలంగా స్పందిస్తూ, ప్రజలకు సంబంధించిన సమస్యలను పరిశీలించి నిబంధనల మేరకు పరిష్కరించేందుకు తగిన చర్యలు తీసుకుంటామని హామీ ఇచ్చినట్లు శంకర్ యాదవ్ తెలిపారు. ఈ భేటీ నియోజకవర్గ అభివృద్ధి, ప్రజా సమస్యల పరిష్కారానికి సంబంధించి ప్రాధాన్యత సంతరించుకుంది.
