విశాఖను అంతర్జాతీయ నగరంగా తీర్చిదిద్దడమే కూటమి ప్రభుత్వ ధ్యేయం: ప్రభుత్వ విప్ శ్రీ గణబాబు

• ముఖ్యమంత్రి శ్రీ నారా చంద్రబాబు నాయుడు గారి చేతుల మీదుగా వర్చువల్ విధానంలో రూ. 3,963.26 కోట్ల అభివృద్ధి పనుల శంకుస్థాపనలు, ప్రారంభోత్సవాలు

• మధురవాడ వి కన్వెన్షన్‌లో జరిగిన కార్యక్రమంలో పాల్గొని ప్రసంగించిన ప్రభుత్వ విప్ శ్రీ పి.జి.వి.ఆర్. నాయుడు (గణబాబు)

• రాజకీయ లబ్ధి కోసం కాకుండా భవిష్యత్ తరాల కోసమే విశాఖలో శాశ్వత మౌలిక వసతుల కల్పన

ఆంధ్రప్రదేశ్ సమగ్రాభివృద్ధి ప్రదాత, గౌరవ ముఖ్యమంత్రివర్యులు శ్రీ నారా చంద్రబాబు నాయుడు గారి దార్శనికతతో కూటమి ప్రభుత్వం నగరాల అభివృద్ధిపై ప్రత్యేక దృష్టి సారించిందని ప్రభుత్వ విప్, విశాఖ పశ్చిమ నియోజకవర్గ శాసనసభ్యులు శ్రీ పి.జి.వి.ఆర్. నాయుడు (గణబాబు) గారు అన్నారు. మధురవాడలోని ‘వి కన్వెన్షన్’ వేదికగా ముఖ్యమంత్రి వర్చువల్ విధానంలో విశాఖ నగర పరిధిలోని రూ. 3,963.26 కోట్ల అభివృద్ధి పనుల శంకుస్థాపనలు, ప్రారంభోత్సవాలు నిర్వహించారు.

ప్రభుత్వ విప్ శ్రీ గణబాబు గారు మాట్లాడుతూ:

• నగరాల అభివృద్ధే రాష్ట్రానికి ఆదాయ వనరు: మహానగరాలు అభివృద్ధి చెందినప్పుడే రాష్ట్ర ఆర్థిక వ్యవస్థ బలోపేతం అవుతుందని, ఉమ్మడి రాష్ట్రంలో చంద్రబాబు గారి విజన్ వల్లే హైదరాబాద్ బడ్జెట్‌లో 70 శాతం సమకూర్చే స్థాయికి ఎదిగిందని గుర్తుచేశారు. నేడు అదే విధానంలో విశాఖను గ్లోబల్ సిటీగా నిలబెట్టే ప్రణాళికలు జరుగుతున్నాయని పేర్కొన్నారు.

• ప్రస్తుత అవసరాలే కాదు.. భవిష్యత్ కోసమే ప్రణాళికలు: భీమిలి, పెందుర్తి, గాజువాక తదితర ప్రాంతాల్లో నగరం విస్తరిస్తోందని, రాబోయే తరాల అవసరాలను దృష్టిలో ఉంచుకునే భూగర్భ డ్రైనేజీ, రీసైక్లింగ్ ద్వారా పరిశ్రమలకు నీటి సరఫరా, అండర్‌గ్రౌండ్ విద్యుత్ కేబుళ్లు (UG కేబుల్స్), 24 గంటల నిరంతర తాగునీటి ప్రాజెక్టులను చేపడుతున్నట్లు తెలిపారు.

• విశాఖ ఎకనామిక్ రీజియన్‌గా అభివృద్ధి: చక్కటి సముద్ర తీరం, పోర్టులు, పరిశ్రమలు విశాఖకు ప్రత్యేక బలం అని, భోగాపురం ఇంటర్నేషనల్ ఎయిర్‌పోర్ట్ కనెక్టివిటీ, వైజాగ్ ఎకనామిక్ రీజియన్ ద్వారా పెద్దఎత్తున పరిశ్రమలు, ఉపాధి అవకాశాలు రానున్నాయని వివరించారు.

• గత పాలకుల వైఖరిపై విమర్శ: గతంలో చెత్త పన్ను వసూలు చేసి ఆ డబ్బుతో అభివృద్ధి చేస్తామన్నారని, అలాంటి చిన్న ఆలోచనలు కాకుండా అనుభవం కలిగిన విజనరీ లీడర్ చంద్రబాబు నాయుడు గారు AMRUT, SBM, ప్రపంచ స్థాయి ఆర్థిక సంస్థలైన AIIB, IFC నిధులు మరియు HAM మోడల్ ద్వారా వేల కోట్ల రూపాయలను నగర ప్రగతికి సమీకరిస్తున్నారని స్పష్టం చేశారు.

• రాజకీయ లబ్ధి కోసం కాదు.. శాశ్వత అభివృద్ధి: గత పాలకులు మూడు ముక్కలాట ఆడి రాజధాని పేరుతో రాజకీయ లబ్ధి పొందాలని చూశారని, కూటమి ప్రభుత్వం మాత్రం మౌలిక వసతులు, ఉద్యోగ అవకాశాలు కల్పిస్తూ విశాఖను నిజమైన ఆర్థిక రాజధానిగా తీర్చిదిద్దుతోందని తెలిపారు. ఇంకా మొదలుకాని డేటా సెంటర్ల మీద కూడా నీటి సమస్యలంటూ కొందరు తప్పుడు ప్రచారాలు, రాజకీయాలు చేయడం మానుకోవాలని హితవు పలికారు.

రూ. 3,963.26 కోట్ల ప్రాజెక్టుల వివరాలు:

• ప్రస్తుతం సాగుతున్న పనులు (రూ. 3,072.73 కోట్లు): IFC-UCF ఫేజ్-1 తాగునీరు & డ్రైన్లు (రూ. 1,501.03 కోట్లు), అమృత్ 2.0 (రూ. 833.69 కోట్లు), SBM 2.0 (రూ. 213.38 కోట్లు), వర్కింగ్ ఉమెన్స్ హాస్టల్ (రూ. 172 కోట్లు), జీవీఎంసీ మురుగునీటి పారుదల ప్రాజెక్ట్-2 (రూ. 150 కోట్లు), SARTHI AI ట్రాఫిక్ సిస్టమ్ (రూ. 99.19 కోట్లు), సిటీ ఆపరేషన్ సెంటర్ (రూ. 65 కోట్లు), స్లమ్ ఫ్రీ సిటీ (రూ. 28.44 కోట్లు), స్మార్ట్ వెండింగ్ జోన్లు (రూ. 10 కోట్లు).

• టెండర్ దశలో ఉన్నవి (రూ. 492.53 కోట్లు): GVMC (రూ. 332.53 కోట్లు), VMRDA (రూ. 160 కోట్లు) పరిధిలో రోడ్లు, డ్రైన్లు, పూడికతీత, పార్కుల పనులు.

• పాలనా అనుమతుల దశలో ఉన్నవి (రూ. 398.00 కోట్లు): తీరప్రాంత కొత్త విహార ప్రాజెక్టులు (GVMC రూ. 222 కోట్లు + VMRDA రూ. 176 కోట్లు).

హాజరైన ప్రముఖులు:

ఈ కార్యక్రమంలో రాష్ట్ర పురపాలక పరిపాలన & పట్టణాభివృద్ధి శాఖ మంత్రి డాక్టర్ పొంగూరు నారాయణ గారు, విశాఖ ఎంపీ శ్రీ ఎం. శ్రీభరత్ గారు, టీడీపీ రాష్ట్ర అధ్యక్షుడు & గాజువాక ఎమ్మెల్యే శ్రీ పల్లా శ్రీనివాసరావు గారు, భీమిలి ఎమ్మెల్యే శ్రీ గంటా శ్రీనివాసరావు గారు, విశాఖ తూర్పు ఎమ్మెల్యే శ్రీ వెలగపూడి రామకృష్ణ బాబు గారు, బీజేపీ శాసనసభా పక్ష నేత & ఉత్తర ఎమ్మెల్యే శ్రీ పి. విష్ణుకుమార్ రాజు గారు, విశాఖ జిల్లా కలెక్టర్ శ్రీ హరేంధిర ప్రసాద్ గారు, జీవీఎంసీ మరియు వీఎంఆర్‌డీఏ కమిషనర్ శ్రీ కేతన్ గార్గ్ గారు, మరియు ఇతర ఉన్నతాధికారులు పాల్గొన్నారు.