● మూడు ప్రాంతాల్లో సీసీ రోడ్లు, భూగర్భ డ్రైనేజీ పనులకు శ్రీకారం
● కాలనీవాసుల సమస్యల పరిష్కారానికి అధికారులకు ఎమ్మెల్యే సూచనలు
అల్వాల్, అక్టోబర్ 28:మల్కాజ్‌గిరి నియోజకవర్గ అభివృద్ధిలో భాగంగా మచ్చ బొల్లారం డివిజన్‌లో రూ.54 లక్షల వ్యయంతో చేపట్టనున్న సీసీ రోడ్లు, భూగర్భ డ్రైనేజీ నిర్మాణ పనులకు ఎమ్మెల్యే మర్రి రాజశేఖర్ రెడ్డి బుధవారం శంకుస్థాపన చేశారు. ఇంజనీరింగ్ అధికారులతో కలిసి స్థానిక నాయకులు, కాలనీవాసుల సమక్షంలో వివిధ ప్రాంతాల్లో భూమిపూజ నిర్వహించారు.
ప్రెసిడెన్సీ అవెన్యూలో రూ.16 లక్షలతో సీసీ రోడ్డు
మచ్చ బొల్లారం డివిజన్‌లోని ప్రెసిడెన్సీ అవెన్యూలో రూ.16 లక్షల వ్యయంతో చేపట్టనున్న సీసీ రోడ్డు నిర్మాణ పనులను ఎమ్మెల్యే ప్రారంభించారు. ఈ సందర్భంగా భారతి ఆవాస్ అపార్ట్‌మెంట్ వాసులు తమ కాలనీలో నెలకొన్న డ్రైనేజీ, వీధి దీపాల సమస్యలను ఆయన దృష్టికి తీసుకువచ్చారు. స్పందించిన ఎమ్మెల్యే సంబంధిత అధికారులకు సమస్యలను వివరించి, పరిష్కారానికి అవసరమైన చర్యలు చేపట్టాలని సూచించారు.
భూపతిరావు నగర్‌లో రూ.16 లక్షలతో భూగర్భ డ్రైనేజీ
భూపతిరావు నగర్ కాలనీలో సుమారు రూ.16 లక్షల వ్యయంతో నిర్మించనున్న భూగర్భ డ్రైనేజీ పనులకు ఎమ్మెల్యే శంకుస్థాపన చేశారు. ఈ నిర్మాణం పూర్తయితే కాలనీవాసులకు డ్రైనేజీ సమస్యల నుంచి ఉపశమనం లభించడంతో పాటు పరిసరాల పరిశుభ్రత మెరుగుపడనుంది.
వజ్ర ఎన్‌క్లేవ్‌లో రూ.22 లక్షలతో సీసీ రోడ్డు
వజ్ర ఎన్‌క్లేవ్‌లో రూ.22 లక్షల వ్యయంతో చేపట్టనున్న సీసీ రోడ్డు నిర్మాణ పనులను ప్రారంభించారు. రహదారి అభివృద్ధితో స్థానికులకు రాకపోకలు మరింత సౌకర్యవంతం కానున్నాయి.
ఈ సందర్భంగా ఎమ్మెల్యే మర్రి రాజశేఖర్ రెడ్డి మాట్లాడుతూ, నియోజకవర్గంలోని ప్రతి డివిజన్‌లో ప్రజలకు అవసరమైన మౌలిక సదుపాయాలను మెరుగుపరిచేందుకు కృషి చేస్తున్నట్లు తెలిపారు. రోడ్లు, డ్రైనేజీ, వీధి దీపాలకు సంబంధించిన సమస్యలను పరిష్కరించేందుకు సంబంధిత అధికారులతో సమన్వయం చేసుకుంటున్నట్లు పేర్కొన్నారు. అభివృద్ధి పనులను నాణ్యతా ప్రమాణాలతో నిర్ణీత సమయంలో పూర్తి చేయాలని అధికారులకు సూచించారు.
ఈ కార్యక్రమంలో జలమండలి డీజీఎం వెంకటేశ్వర్ రెడ్డి, అల్వాల్ సర్కిల్ అసిస్టెంట్ ఇంజనీర్ రవళి, జలమండలి సూపర్‌వైజర్ కృష్ణ, వర్క్ ఇన్‌స్పెక్టర్లు అప్రోజ్, విఘ్నేష్, మాజీ కార్పొరేటర్ చింతల శాంతి శ్రీనివాస్ రెడ్డి, బీఆర్ఎస్ నాయకులు డోలి రమేష్, ఢిల్లీ పరమేష్, శోభన్ బాబు, శ్రీధర్ గౌడ్, సురేష్, నర్సింగ్ రావు, సతీష్, భాస్కర్, రాజు, ప్రశాంత్, ఆరిఫ్, వీరేశం, రెహమత్ ఖాన్, రమేష్ పాల్గొన్నారు.
అలాగే స్థానిక కాలనీవాసులు రాజు, పెంటయ్య, దేవేందర్ రెడ్డి, ఠాకూర్ సింగ్, బాల్రాజు, శ్రీనివాస్‌తో పాటు పలువురు మహిళలు, యువకులు, స్థానిక ప్రజలు హాజరయ్యారు.
#Sidhumaroju
Alwal
