తెలంగాణ రాష్ట్ర ప్రభుత్వం అందిస్తున్న ఇందిరమ్మ ఇళ్ల పథకంలో భాగంగా కొత్త మోడల్‌ను రూపొందించినట్లు రంగారెడ్డి జిల్లా షాబాద్లో అధికారులు, ప్రజాప్రతినిధులు తెలిపారు. రూ.5 లక్షల వ్యయంతో 15-20 రోజుల్లోనే ఓ ఇంటి నిర్మాణం పూర్తయినట్టు ఎమ్మెల్యే కాలే యాదయ్య తెలిపారు. నాణ్యమైన ఇంటిని బడ్జెట్లోనే నిర్మించేందుకు కాల్జన్ సంస్థ ముందుకు వచ్చిందని ఎమ్మెల్యే పేర్కొన్నారు. కొత్త డిజైన్‌లో మోనోలిథిక్ కాంక్రీట్ సహా ఇతర ఉత్పత్తులతో నిర్మాణం చేస్తామని వివరించారు. ఇప్పటికే నిర్మాణం వేగంగా పూర్తవుతున్న అంశంపై స్థానికంగా ప్రజల్లో ఆసక్తి పెరిగింది. తక్కువ సమయంలో ఇల్లు సిద్ధం కావడంతో లబ్ధిదారుల అవసరాలు త్వరగా తీరే అవకాశం ఉందని భావిస్తున్నారు.
