అన్నమయ్య జిల్లాలో టమోటా మార్కెట్ యార్డుల్లో అక్రమాలకు తావులేకుండా కట్టుదిట్టమైన చర్యలు తీసుకోవాలని జాయింట్ కలెక్టర్ శివ్ నారాయణ శర్మ ఆదివారం ఆదేశించారు. మార్కెట్ కమిటీలతో వీడియో కాన్ఫరెన్స్ నిర్వహించి పారదర్శకతపై దృష్టి పెట్టాలని సూచించారు. 15 కిలోల క్రేట్లను తప్పనిసరిగా అమలు చేయాలని, హమాలీలు, లారీ సంఘాలు రైతుల నుంచి డబ్బు వసూలు చేస్తే చర్యలు తీసుకుంటామని హెచ్చరించారు. సీసీ కెమెరాలు, డిజిటల్ బోర్డులు ఏర్పాటు చేసి రైతులకు తాగునీరు, ఫిర్యాదు సదుపాయాలు కల్పించాలని సూచించారు.
