🎤ఆసిఫాబాద్ భారత్ ఆవాజ్ న్యూస్ ప్రతినిధి జగదీష్,: ఆసిఫాబాద్ మున్సిపాలిటీ పరిధిలోని 11వ వార్డు సందీప్ నగర్ కాలనీలో ఎన్నో రోజులుగా పెండింగ్లో ఉన్న కల్వర్టు నిర్మాణం ఎట్టకేలకు పూర్తయింది. కల్వర్టు లేకపోవడం వల్ల కాలనీ ప్రజలు, వాహనదారులు తీవ్ర ఇబ్బందులు ఎదుర్కొన్నారు. ఈ సమస్యను స్థానిక కౌన్సిలర్ రాపర్తి కార్తీక్ నిరంతరం పర్యవేక్షించి, సంబంధిత అధికారుల దృష్టికి తీసుకెళ్లడంతో ఎట్టకేలకు పనులు పూర్తయ్యాయి.కల్వర్టు అందుబాటులోకి రావడంతో రాకపోకలు సులభతరమయ్యాయని కాలనీవాసులు ఆనందం వ్యక్తం చేస్తున్నారు. తమ సమస్యను పరిష్కరించిన మున్సిపల్ కమిషనర్కు, అధికారులకు, పనులు పూర్తి చేసిన సిబ్బందికి వారు ప్రత్యేక కృతజ్ఞతలు తెలిపారు. అలాగే నిరంతరం శ్రమిస్తున్న కౌన్సిలర్ రాపర్తి కార్తీక్ను కాలనీ ప్రజలు ఘనంగా అభినందించారు.
