శీర్షిక: తిరుమలలో భక్తజన సంద్రం: ఏటీజీహెచ్ వరకు క్యూలైన్లు.. దర్శనానికి 16 గంటల సమయం
వారాంతం కావడంతో తిరుమల క్షేత్రం భక్తులతో కిటకిటలాడుతోంది. ఆదివారం రద్దీ అనూహ్యంగా పెరగడంతో వైకుంఠం క్యూ కాంప్లెక్స్లోని కంపార్ట్మెంట్లన్నీ నిండిపోయి, క్యూలైన్లు వెలుపల ఏటీజీహెచ్ (ATGH) వరకు విస్తరించాయి. టోకెన్లు లేని భక్తులకు శ్రీవారి సర్వదర్శనానికి సుమారు 16 గంటల సమయం పడుతోంది.
శనివారం ఒక్కరోజే 91,005 మంది భక్తులు స్వామివారిని దర్శించుకోగా, హుండీ ద్వారా రూ. 3.37 కోట్ల ఆదాయం సమకూరింది. ఎండల తీవ్రత దృష్ట్యా క్యూలైన్లలో వేచి ఉన్న భక్తులకు టీటీడీ నిరంతరాయంగా పాలు, తాగునీరు, అన్నప్రసాదాలు పంపిణీ చేస్తూ ప్రత్యేక చర్యలు చేపట్టింది.
