మదనపల్లెలో జరిగిన ఏపీ రైతు సంఘం అన్నమయ్య జిల్లా ప్రథమ మహాసభలో, రాష్ట్ర కార్యదర్శి ప్రభాకర్ రెడ్డి శుక్రవారం ప్రభుత్వాన్ని డిమాండ్ చేశారు. పొగాకు, మిర్చి, పత్తి, వరి, టమోటా వంటి పంటలకు ధరలు లేక రైతులు నష్టపోతున్నారని, వారికి గిట్టుబాటు ధర కల్పించాలని ఆయన కోరారు. రైతు ఆధారిత పరిశ్రమలు, కోల్డ్ స్టోరేజ్లు ఏర్పాటు చేయాలని, హంద్రీ-నీవా కాలువలు పూర్తి చేయడం, పంటల బీమా, పాడి రైతులకు మద్దతు, టమోటా జ్యూస్ ఫ్యాక్టరీ ఏర్పాటు వంటి డిమాండ్లను సమావేశంలో చేశారు. అనంతరం జిల్లా నూతన కమిటీని ఏకగ్రీవంగా ఎన్నుకున్నారు.
