మొగిలిపాడులో వ్యక్తి అదృశ్యం.. ఆచూకీ కోసం పోలీసుల ముమ్మర గాలింపు!

0
0

పలాస: పలాస–కాశీబుగ్గ మున్సిపాలిటీ పరిధిలోని మొగిలిపాడు గ్రామానికి చెందిన టొక్క భీమారావు (51) కనిపించకుండా పోవడంతో కాశీబుగ్గ పోలీసులు గాలింపు చర్యలు ముమ్మరం చేశారు.

మొగిలిపాడు గ్రామం హరిజనవీధికి చెందిన టొక్క జంగమయ్య కుమారుడు భీమారావు ఆచూకీ కోసం పోలీసులు రంగంలోకి దిగారు. కొసంగిపురం పరిసర ప్రాంతాల్లో కాశీబుగ్గ పోలీసు సిబ్బంది, అగ్నిమాపక శాఖ సిబ్బంది సంయుక్తంగా గాలింపు చర్యలు చేపట్టారు.

అనుమానిత ప్రాంతాలతో పాటు సమీప పరిసరాల్లో తనిఖీలు నిర్వహిస్తూ భీమారావు ఆచూకీ తెలుసుకునేందుకు ప్రయత్నిస్తున్నారు. మరోవైపు ఆయన కనిపించకపోవడంతో కుటుంబ సభ్యులు ఆందోళన చెందుతున్నారు.

ప్రజలకు పోలీసుల విజ్ఞప్తి:

టొక్క భీమారావును ఎవరైనా గుర్తించినా, ఆయనకు సంబంధించిన సమాచారం తెలిసినా వెంటనే కాశీబుగ్గ పోలీసులకు తెలియజేయాలని కోరుతున్నారు. గల్లంతైన వ్యక్తి ఆచూకీ కనుగొనేందుకు ప్రజలు సహకరించాలని, ఈ సమాచారాన్ని వీలైనంత ఎక్కువ మందికి షేర్ చేయాలని విజ్ఞప్తి చేస్తున్నారు.