హైదరాబాద్, లక్డీకాపూల్:
ఇంటర్నేషనల్ హ్యూమన్ రైట్స్ (IHR) ఆధ్వర్యంలో తెలంగాణ రాష్ట్ర స్థాయి సమావేశం హైదరాబాద్ లక్డీకాపూల్లోని వాసవి సేవా కేంద్రంలో అత్యంత వైభవంగా జరిగింది.
ఈ సమావేశంలో రాష్ట్ర అధ్యక్షుడు అభిలాష్, అంతర్జాతీయ సభ్యులు, RV శ్రీనివాసరావు, స్టేట్ కన్వీనర్ గంగాధర్, రాష్ట్ర పబ్లిక్ సేఫ్టీ ఆఫీసర్ లకావత్ కిరణ్, రాష్ట్ర సభ్యులు ఎండి నజీర్, మొసలి ప్రభు కుమార్ లతో పాటు సంస్థకు చెందిన వివిధ స్థాయిల అధికారులు, సభ్యులు పెద్ద సంఖ్యలో పాల్గొన్నారు.
ఈ సందర్భంగా సంస్థ విస్తరణ, మానవ హక్కుల పరిరక్షణ, ప్రజలకు అందించాల్సిన సేవలు, సభ్యత్వ నమోదు కార్యక్రమాలు, జిల్లా స్థాయి కమిటీల బలోపేతం మరియు భవిష్యత్ కార్యాచరణపై సుదీర్ఘంగా చర్చించారు. రాష్ట్రవ్యాప్తంగా మానవ హక్కుల పరిరక్షణకు ప్రతీ ఒక్క అధికారి బాధ్యతాయుతంగా పనిచేస్తూ, బాధితులకు తగిన న్యాయం అందించడానికి నిరంతరం కృషి చేయాలని రాష్ట్ర అధ్యక్షుడు పిలుపునిచ్చారు.
అలాగే ఇప్పటివరకు వివిధ జిల్లాల్లో నిర్వహించిన సేవా కార్యక్రమాలను సమీక్షించి, అత్యుత్తమ సేవలు అందించిన ప్రతినిధులను, అధికారులను అభినందించారు. రాబోయే రోజుల్లో మరింత సమర్థవంతంగా ప్రజాసేవ చేస్తూ, సంస్థ కీర్తి ప్రతిష్టలను మరింత ఉన్నత స్థాయికి తీసుకువెళ్లాలని సమావేశంలో తీర్మానించారు.
ఈ కార్యక్రమంలో రాష్ట్ర కమిటీ సభ్యులు, పబ్లిక్ సేఫ్టీ ఆఫీసర్లు, జిల్లా అధ్యక్షులు, ముఖ్య ప్రతినిధులు పాల్గొన్నారు.
