మహర్షి వాల్మీకి జయంతి.. సీపీ సుమతి పుష్పాంజలి.|

● సీపీ కార్యాలయంలో మహర్షి వాల్మీకి చిత్రపటానికి పూలమాల వేసి నివాళులు

అల్వాల్, అక్టోబర్ 26:మహర్షి వాల్మీకి జయంతిని పురస్కరించుకుని మల్కాజిగిరి పోలీస్ కమిషనర్ బి. సుమతి, ఐపీఎస్, సోమవారం నేరేడ్‌మెట్‌లోని సీపీ కార్యాలయం (సీపీఓ)లో మహర్షి వాల్మీకి చిత్రపటానికి పుష్పాంజలి ఘటించి ఘనంగా నివాళులర్పించారు.

భారతీయ సాహిత్యానికి, సమాజానికి మహర్షి వాల్మీకి అందించిన అపారమైన సేవలను ఈ సందర్భంగా స్మరించుకున్నారు.

రామాయణ మహాకావ్యాన్ని రచించి భారతీయ సాహిత్య చరిత్రలో చిరస్థాయిగా నిలిచిన మహర్షి వాల్మీకి జీవితం, ఆయన రచనలు తరతరాలకు స్ఫూర్తిదాయకమని ఈ సందర్భంగా గుర్తుచేశారు.

ఆయన అందించిన సాహిత్య సంపద భారతీయ సంస్కృతి, నైతిక విలువలు, మానవీయ ఆదర్శాలపై చెరగని ముద్ర వేసిందని పేర్కొన్నారు.

మహర్షి వాల్మీకి జయంతి సందర్భంగా ఆయన ఆశయాలను స్మరించుకుంటూ సమాజంలో సద్భావన, మానవీయ విలువలు, సామాజిక సమానత్వం వంటి ఆదర్శాలకు ప్రాధాన్యమివ్వాల్సిన అవసరం ఉందనే సందేశాన్ని ఈ కార్యక్రమం చాటిచెప్పింది.

#Sidhumaroju

Alwal