చీరాల పట్టణంలో పెరుగుతున్న రోడ్డు ప్రమాదాలను అరికట్టేందుకు మరియు ప్రజల్లో ట్రాఫిక్ క్రమశిక్షణను పెంపొందించేందుకు స్థానిక పోలీసులు నడుం బిగించారు. ఈ మేరకు మంగళవారం చీరాల పట్టణంలో ట్రాఫిక్ ఎస్.ఐ పవన్ కుమార్ ఆధ్వర్యంలో భారీ అవగాహన సదస్సు నిర్వహించారు.ఈ సందర్భంగా ఎస్.ఐ పవన్ కుమార్ మాట్లాడుతూ, ద్విచక్ర వాహనదారులు హెల్మెట్ ధరించడాన్ని కేవలం జరిమానాల నుంచి తప్పించుకోవడానికే కాకుండా, తమ ప్రాణ రక్షణ కోసమని గుర్తించాలని కోరారు. కార్లలో ప్రయాణించే వారు సీట్ బెల్ట్ ధరించడం తప్పనిసరి అని ఆయన గుర్తు చేశారు.ఈ సదస్సులో పోలీసులు వాహనదారులకు పలు కీలక సూచనలు చేశారు. వాహనదారులు తమ వెంట తప్పనిసరిగా డ్రైవింగ్ లైసెన్స్, ఆర్సీ,ఇన్సూరెన్స్ మరియు పొల్యూషన్ సర్టిఫికేట్లను ఉంచుకోవాలి.రాంగ్ రూట్ డ్రైవింగ్, ట్రిపుల్ రైడింగ్, డ్రంక్ అండ్ డ్రైవ్ వంటి ఉల్లంఘనలపై కఠినంగా వ్యవహరిస్తామని, భారీ జరిమానాలతో పాటు చట్టపరమైన చర్యలు తీసుకుంటామని హెచ్చరించారు.
పరిమితికి మించి ప్రయాణికులను ఎక్కించుకోకూడదని ఆటో డ్రైవర్లకు స్పష్టం చేశారు. ప్రతి ఒక్కరూ బాధ్యతాయుతమైన పౌరులుగా ట్రాఫిక్ నిబంధనలను పాటించి పోలీసులకు సహకరించాలి. రోడ్డు భద్రత అనేది కేవలం పోలీసుల బాధ్యత మాత్రమే కాదు, ప్రతి వ్యక్తి బాధ్యత.పవన్ కుమార్, ట్రాఫిక్ ఎస్.ఐ ఈ కార్యక్రమంలో ట్రాఫిక్ సిబ్బంది, పలువురు వాహనదారులు మరియు స్థానిక ఆటో యూనియన్ సభ్యులు పాల్గొన్నారు. పోలీసుల సూచనలను పాటిస్తామని వారు ఈ సందర్భంగా ప్రతిజ్ఞ చేశారు.
