ఆంధ్రప్రదేశ్లో ఒకవైపు ఎండలు మండిపోతుండగా, మరోవైపు వర్షాలు కురుస్తూ విభిన్న వాతావరణం నెలకొంది. బుధవారం నెల్లూరు జిల్లాలో అత్యధికంగా 44.1 డిగ్రీల ఉష్ణోగ్రత నమోదైంది. గురువారం విజయనగరం, మన్యం సహా పలు జిల్లాల్లోని 10 మండలాల్లో తీవ్ర వడగాల్పులు వీస్తాయని రాష్ట్ర విపత్తుల నిర్వహణ సంస్థ (ఏపీఎస్డీఎంఏ) హెచ్చరించింది.
అదే సమయంలో ద్రోణి ప్రభావంతో విశాఖ, అనకాపల్లి మరియు రాయలసీమ జిల్లాల్లో పిడుగులతో కూడిన మోస్తరు వర్షాలు కురిసే అవకాశం ఉంది. వడదెబ్బ తగలకుండా జాగ్రత్త పడాలని, వర్షం పడే సమయంలో పొలాల్లో ఉండవద్దని రైతులు, పశువుల కాపరులకు అధికారులు సూచించారు.
